20040731【SAT】
條頸同個膊頭左面越來越唔掂，成日都好緊好痛，可能真係要搵日去深圳鬆鬆佢，痛到我訓得唔多好…大鑊！
再起身時已經係三點鐘，一起身即刻炒個飯食，仲有炒雞翼，哈～勁好食，呢個係我撚手小食o黎o架！今日竟然同阿剛玩MSN，我地兩個仲無聊到LiveChat同比賽接龍，哈哈，真係幾無聊。
玩完之後就煮飯，Daddy同Mamee上完堂就行去鵝頸橋買大蝦同埋東風螺返來食，正呀，仲買一隻白切雞返來食，搞到今晚鬼死咁多食送，我同阿妹仲講笑，呢個星期我地起碼消化了七十隻蝦…今晚都食了三十隻啦，簡直癲死，仲有食成打幾東風螺，好鬼好味，我地下次決定買扇貝，蜆，蟶子返來大擦一餐！實在爽死了！
細妹話丫力士剪了頭髮…Oh，佢簡直就係一個活生生的Winnie The Pooh，我真係好想咬佢塊面一啖，一啖就夠喇…另外，我地發現Micheal好似加菲入面的阿的，笑鬼死我地…
之後就沉醉於打麻將，今日玩了成日，由當初三十幾萬到負萬幾…埋單時得返幾千……如果呢D係錢我真係會心痛死
夜晚又訓唔著，聽日仲要早起身，唉，咁咪睇下相，我中一到中三都可以話係一個身材適中o既人，到中五開始發福…去到勞校仲大鑊，特別係中六七呢年，肥o既速度簡直快得離晒大譜，何官時代可能唔係成日放學出去食Tea，所以都叫可以Keep得下，去到勞校，放學成日都食完Tea先返屋企，唔發福就奇喇，加上越來越開心，心體廣胖係正常，去到暨大…祖國的美味食物又點可以唔試下，仲有我地個『環球美食團』，密密出去試新o野，一發不可收拾，睇以前同埋而家D相，見到自己個衰樣真係想打瓜自己…
唉，欣宜真係幸福，有個有錢阿媽，減肥真係話咁易。
連肥媽都去了『變靚D』…仲有個『我偉大』的白嘉倩小姐都成功纖形，真係羨慕死我，如果佢地搵我做代言人就好啦，我一定勁努力幫佢地Promote，一定會勁話『我流住修身堂o既血，心口刻有修身堂個名…』
見到自己塊Super包包面同埋超勁大肚腩，仲勁過Winnie The Pooh…天呀！我唔可以再俾自己肥落去…好驚呀，唔得呀！
文章定位：
