今日由夜晚開始心中硬係有總焦慮ge感覺.
明明行左陣街,雖然冇買野,但都已經達到我原本想外出散心ge目的架啦.
硬係唔知想點咁.
只不過係番左幾日,真係幾日學,之前恨左好耐ge溫泉都浸埋,都仲o益悶.
好想繼續繼續咁樣放假.
好唔想番學.
突然之間好憎間學校.
"哩個係咩地方??咁la悶ge????"
你估我唔想參加club架咩,但係真係冇我想參加ge呀嘛.
穩野學?好呀,你比錢我學呀?
成幾千蚊港紙一年ge日文課程,我想比都比唔起啦.
何況爸媽一定唔捨得比.
哩個女半途而廢ge紀錄都幾係野.
跆拳道本非吾之所欲,考到上黑帶就算交晒功課.
但彈琴彈左十幾年,千年道行一朝喪,阿爸阿媽就咁交左十幾年學費.
我都冇野好講......
當我穩到我想做ge野時,偏偏我又入左哩間咁ge大學.
讀讀下唔讀?比半途而廢更不可取啦.
老實講...想死咩...||||||
有時真係想唔讀大學好過......
人地話,一個學生,拍拖得打工得讀書得兼玩得就最perfect.
唔駛樣樣得架,是但一樣得就已經好得.
唔係似乎,係我根本冇樣得.
日日都唔知係度做咩.
一lam到想做ge個樣野同讀緊ge野牛頭唔搭馬嘴ge時候,
就越覺得自己好87.
就21歲女喇.
假設80瓜老襯,就咁樣過左人生ge 1/4,
青春究竟係要黎享受定係要黎浪費?
PS.-快D到星期六啦,想上陽明山賞花散心呀.
-今日見到套"XXXXX for Dummies",即係我地所講ge"低B學習課程",
我想講囉,裡面全部都係雞腸,係咪應該先要有本
"English learning for Dummies","低B學英文"囉.......
文章定位：
