幾快又一星期....
不過呢個星期開始可以叫做搵番以前讀書果種感覺, 係果種可以專心响工作的動力。舖頭果套零售系統已經去到差唔多簽contract嘅階段, 呢個星期一次過約咗幾間日日見, 開始知道傾project需要的技巧。永遠唔好傾價錢底線, 永遠將所有嘢都係由你去主導, 要記住就係, 你係俾錢果個, 係應該佢怕你走多過我怕佢唔同我哋合作。
見得多幾次, 其實都開始知道點樣對付佢哋, 點樣要佢哋平d, 送多d嘢, 再quote, 再送,再平.....不停咁cycle落去。當然, 大家都會有底線, 睇吓邊個可以offer 到最好的content就搞掂。其實價錢只不過係傾contract一個最可以衡量的unit。一味平平平係對自己冇幫助。人哋都要食飯嘅....
除咗傾contract之外, 我都開始plan 緊成個 process flow。呢d係我最想做嘅嘢,亦都係可以用到我可以俾到佢哋嘅價值。我唔希望我只會做到pack 嘢, 覆信呢d基本嘢, 你亦都唔駛請我。
由開始擺好多時間落呢個system嘅呢個星期, 我發覺自己對IT呢個topic嘅興趣返咗來。再加上响英國所學的知識, 我相信比起兩年前响IVE嘅clinton 會有好明顯嘅進步, 而且終於可以將21313所持嘅教學目的發揮出來。
點樣可以冇technical background都可以搞套system出來? 點樣真係成為it 同business 之間的橋樑?我諗而家嘅我就係一個example。呢個經驗, 對我日後的前途係有好大好大的幫助。
不過我其實最想傾係, 我係怕一個人但又好enjoy獨斷獨行的生活。IT'S kinda contradict, isn't it? 我感情上想有人陪我, 但生活上我想行我自己鋪緊嘅路。屋企開始唔再擔心我的工作, 呢個係一個好大的推動力。我可以更加去盡力做自己可以做到嘅事。不過每日工作10小時, 放工我都想可以出街休息吓, 唔想返屋企住。我唔係想去玩,只係想俾自己停一停。吸收一下每日諗到事件。希望你哋可以諒解。咁當然, 屋企始終係對我最重要嘅。
好,就此停筆。因為聽日又係一樣....基本上....每日如是....幾時可以放星期六日假....咁就要等到合昌幾時可以真係上軌道lu....
想我keep住寫文章...俾多d留言我啦....
文章定位：
