新聞| | PChome| 登入
2006-08-29 19:02:24| 人氣71| 回應0 | 上一篇 | 下一篇

歐洲奇遇記Day 8---Deauville 意外收獲

推薦 0 收藏 0 轉貼0 訂閱站台

今日係星期日，行程之中唯一呢日係唔駛再買LV，可以真真正正輕輕鬆鬆咁享受下法國o既風情。阿Sam今日帶我地去一個法國小鎮Deauville，好多法國人都好鍾意黎呢個小鎮度relax下。

Deauville真係一個好寧靜、好舒服o既小鎮，佢有一個面對住大西洋o既沙灘，不過今日天氣都幾涼，所以我地都無落水玩啦！當我地四個 (Cindy、Tammi、Sammi同我)行行下街、影緊相之際，職業病即時發作，見到不遠處有間LV……而呢間LV係全法國唯一一間o係星期日會開o既 (因為方便遊客)。由於我地琴日咁成功o既一戰，真係令我地戰鬥力同自信心都提升晒，咁我地就決定入去試下，橫掂唔得都無蝕底丫～

間shop都好細，得兩個sales，我地好似玩咁咩都睇下，每人都要左個銀包。唔知係咪呢間shop太少人黎 (而一般水貨團都唔會黎呢 d 小鎮)，佢都好welcome我地黎買野，所以唔駛我地show passport。我見咁順利，當然又發揮我「有風駛盡利」o既作風，又要多個袋啦！之後大家又要多個袋喇！由於今次事出突然，所以我地跟本無問Uncle Sam拎定錢，攪到比錢時大家要「籌旗」，而Cindy亦扮要去搵廁所走返去搵Uncle Sam拎錢喇。不過，呢間shop其實好細，所以都無乜款可以買，我地見咁順利都好走人啦～而Tammi亦都有 d唔耐煩咁示意我同Sammi好收手喇，就係咁，今日無端端每人又買左幾百Euro，真係好意外！

返到去見到阿Sam，佢都非常Surprise我地咁勤力，佢當然好開心啦，笑到四萬咁口！然後我地一齊食左一個阿Sam推介o既意大利粉，真係好好味呢！不過，由於琴日我地已經咁好成績，所以我地好怕Molin佢地話我地買LV都唔叫佢地 (或誤會阿 Sam叫我地買唔叫佢地買)，所以我地都收好 d LV，同埋決定唔再多講。點知紙包唔住火，佢地返到黎始終見到，表面上好似無野，但實際係好唔忿氣，表情有少少奇怪囉，之後搭火車返巴黎大家都無乜再提喇～
今日我仲暢遊左塞納河，仲約到個美女(香港o既同事)一齊登上巴黎鐵塔呢！

我要檢舉
台長： 小麵
人氣(71) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文