好平安咁過左個halloween，唔恐怖但有點唔開心。
今日晨咁早就tutor，但要等到6點幾放得學，(因為要上普通話) break時同左個同學仔去左屋企鋪頭到買水晶，我爸可以話送左條鏈俾佢，因為他瞞住我將一條原價200多元ge鏈以超低價賣左俾佢，同學仔，你走運了！
放左學就約左蕃薯同miu係又一城等，點知撞到子吠同發仔，佢地都諗住去過下節癮，不過最後我地係分開去。今次人丁好單薄得3個人，梗係啦好多人都有人約左，得番我地幾個，又約得忽，搞到有d又唔記得約，唉~
精明ge我地冇俾節日沖昏了頭腦，我地好明智咁去左唯一麵家食，唔知係唔係太明智，令到我地做左個好唔明智ge選擇，我地叫左個到最正ge野食，上菜時先發現我地叫ge只係樣子不同、但材餡料一樣ge野，(北京餡餅、鍋貼、淨雙併餃、雞翼烏冬同豆漿) 不過由於我地實在太鍾意食啦，所以都唔覺得厭，食哂，超開心！埋單都係位位25，真係抵到喊！
跟住就去左影貼紙相，影左d好搞笑ge野，hoho。最後去左個地方飲野傾計。
12點幾就歸家lu。
唔開心ge野唔想講，只希望睇番呢日dairy時已經唔記得。
文章定位：
