占日新聞~~ 健b成長日記...^0^ 占日新聞係一個報導小占每日大小事的電台, 希望小占的朋友~~就算我地唔係日日見面, 你都可以日日知我d消息~~

70愛的鼓勵 0訂閱站台

15/8:
今日一起身...
就要搬1個魚缸出廳, 1 個拎去換個8"方缸+改左個草景, 仲要同隻pk 刀背蛋龜換水+擦背!!!
雖然4個魚缸都好細, 但一次過要5點前搞晒...
真係好累...
最慘係換草景...
要將原先養緊o既水草, 全部起晒出黎,再諗d位置點樣再放置先好睇...
唉..仲要將d幼苗好似插秧咁一小棵咁插入d泥...媽呀~~~

搞掂之後飛去太子...trade左本 "他其實沒那麼喜歡妳"..
因為有次起ruby度見呀fai gf拎住話好笑...所以好奇想買...
早前起書店睇過目錄, 我知呀浩無樣符合...
但又係因好奇...就買左...
結果都幾失望....d內容好似我之前同人講d野...=0="
不過總好過某本所謂"兩性恩物" -- 咩金星,火星呀~
之後睇下遇唔遇到好似囡囡o既龜..(不過無收穫)
唔知係咪尋晚婆婆講開鬼節...我諗起囡囡...
夜晚又訓唔到了...訓起床喊左1 hr...
記番..拎囡囡番hk時..
第一次餵佢食菜, 佢咬到我忽肉o既趣事..仲有好多好多...
以前呢d好開心o既野...依家諗起都會令人傷心...
人...點解會係d咁矛盾o既動物?

之後呀浩join左我...
我地行左 "球場" ,同呀ken吹水...行左一陣..
就去 "美而廉" dinner...佢地d大大件豬扒..真係百吃不厭~
有條友因為帶左beer入黎, 食完野人地餐廳規定要另收$$,
果條友忽然大大聲起度爆粗...我就嚇左一跳.. *太突然了*
呀浩同d伙計就好淡定睇戲...
d伙計個個都係長者, 起mk泡左幾十年, 處事手法真係唔同後生~

之後我地去左2人世界...其實地點就好耐無去...
去到個心係好安落,舒服...
大家都好開心, 我諗佢真係好耐無咁"就"眉頭了~

番到home, 好彩趕得切bid chobits扭蛋..
衰豬左...估唔到seller無set延長時間..
等我埋尾俾人bid高左$10...
我要last 10sec 出多$10...total $240, 先買到呢set野...
出面淨黑芝or pink芝都要 $1xx一隻...
依家5隻仲要未拆袋...全新...抵到爛~
有人放d 2nd hand..都要 $5xx
無計啦, 鬼叫佢出時我未玩盒蛋,
佢產量少, 手工上色好非常好...表情+pose更是一絕...
老公呀~~~原諒我又花$$買盒蛋啦~~~
chobits...我真係等左好耐先遇到呢個機會咋...
T^T

打日記之前, 做左樣好耐都唔需要做O既野...
打"曱由"..好大隻...結果我KO左佢...
掟出屋時忽然用童軍歌唱:
"怪物, 你真係好核突!
怪物, 你真係好醜樣!
無計, 你老母生成..你就係咁核突...."
唔知點解咁順口唱D咁O既歌詞...
可能近呀浩近得多...XDXD

見到K君日記,原來仲當CRZTAL係gf...
我就知道crztal仲未搞掂呢pat屎...
唉...雖然我無權理佢d私人野...
但以crztal o既做法...
我怕我終有一日起新聞版頭條見到佢...唔係娛樂版 *touch wood*
唉..次次同我講就好成熟, 但做就乜都無做過...唉...
我都唔知why, 但身邊2個純純女性朋友...
no.2 就可以唔駛擔心, 我feel到池少唔係玩玩下, 2人感情亦好stable...
但crztal...就真係令我好擔心...
佢d性格...唉....


P.S: 今日就POST我今日最~~~大~~~戰利品-- CHOBITS