12月10日
今日兩點鐘放工後就返屋企整好自己, 跟住我去左接庭庭同貓貓...
見到庭庭我雙耳同面都紅0西...唔係庭庭著得特別靚...係我自己好重視今日...
因為我想同庭庭預祝佢既19歲生日...但係庭庭仍然選擇坐係後面座位...
而貓貓就坐左係前面...搞到我今日好似係約貓貓多過約佢...不過我無講出口...
因為我要尊重返庭庭既意願...但係我覺得今日既意義係減左一半...
可能身邊既人唔係庭庭......甘我地就去左DIDADI唱K...食蛋糕...JERICHO BEACH
放煙花...食雪糕...返屋企...我想多謝貓貓...因為佢令到庭庭好開心...
而我又變左個小配角...我個日仲要胃痛...真係無用...
如果庭庭唔係要返香港...我相信12月18號一定係我最難忘...
雖然唔係自己生日, 不過我真係好想同庭庭單獨過...
我個日3點放工...跟住返屋企整好自己, 跟住駕架黃色COOPER去接庭庭...
游車河...去richmond食晚飯...行街...睇戲...pick up生日蛋糕...去沙灘...
放煙花...切生日蛋糕...到12點既時候同庭庭講生日快樂...
不過E架發夢先有.........
12月12日...
好多謝D妹妹黎慶祝我既生日...HOT POT...好WARM...
多謝你地 (貓貓, VANVAN, MADDIE, BONBON, SANDY, 同阿妹...)
個晚我忍唔住去搵庭庭...因為我見唔到佢出現...我係佢屋企等佢返黎...
我好想見到佢跟住抱緊佢...但係我無...我選擇問庭庭先...好白痴呀我...
結果庭庭又係好冷淡甘拒絕我, 跟住走左......之後唔想佢地等我...
我亦都返屋企...VANVAN叫我打開份生日禮物...係一隻錶...
我忍唔住喊左出黎......好痛...因為我真係好想庭庭送一隻錶比我...
不過佢無......大概9點...庭庭黎左...我唔知比咩反應...因為佢好似當我透明.
佢只係入去同佢地講野...如果我唔出聲...佢真係可以一聲都唔同我講.........
好想知你黎既目的係咩....睇下我既死樣? 定係你望都無望已經走左......
12月13日...
自己既生日...21歲...好不幸甘入左醫院既急症室度過...
而庭庭亦係13號既凌晨1點幾坐飛機返香港......
PIC: kelly's mango mousse b-day cake
文章定位：
