24h購物| | PChome| 登入
2008-01-15 06:43:52| 人氣304| 回應0 | 上一篇 | 下一篇

搖控直昇機意外傷人事件

推薦 0 收藏 0 轉貼0 訂閱站台

啱啱發生單咁嘢，其實要好好檢討吓同點解決啲玩家唔去指定場地問題。

啲玩家唔肯入會有兩個主因：個場太遠，同埋收費昂貴。

場地問題其實唔係好難解決。出事地點係官地，即係話政府想自己個場點都唔係問題，問題反而係政府會否願意將用地如此用法。香港地，寸土尺金呀！

而家唯一指定場地，入會費貴，成萬蚊，重要每次去玩都要俾入場費，點都俾人覺得係搶錢。在下了解要成萬蚊入會費，係因為啲設施同第三保險，但每次玩都要收錢就有啲份咯。

有幾樣嘢其實應該注意吓。

第一，好多人都忽視玩呢家嘢嘅危險性，所以要令不單只玩家，重有一般大眾，多了解呢啲玩意嘅危險性。今次出事玩家係老手，已經話俾大家知老貓燒鬚係乜。但香港人出名精靈識變通，單咁嘢過一排都可能只會被視為純粹不幸意外。令大眾明白係指定場地玩嘅必要性先係致勝之道。例如玩家要攞牌。唔係考玩家技術，而係危險意識。至於係咪真係有用，我都唔知，胡思亂想吓啫。

第二，有關場地收費，萬元入會後重要每次收錢真的有點那個。計吓條數，一年先五十二個星期，啲人通常一個星期先玩一日，即係話每次玩，唔駛另外費用都要成二百蚊一次，更何況冇可能會個個星期都玩到。於是，在下又有啲胡思亂想：例如，減低入會費，開套票，入會係包括可以玩幾次；另外，可以帶幾多人免費參觀，整啲Visitor Pass，非會員又想玩嘅又點收費，重有臨時會員制，諸如此類。

第三，玩得呢啲嘢嘅人，有幾多係趕流行，有幾多係真係嗜好，數字一定有啲參差。收緊發牌制度應該可以做到啲嘢。好似同車買保險咁，買呢個玩意重量同馬力越大收費越貴。由初等級到職業級的收費不等，另再配合玩家年資嚟衡量收費。即新仔買貴車保金越貴，老手就平啲。如何厘定新手老手，除咗話攞牌，有關同好會等會員資料亦可作參考。

成效嘅嘢，有時唔一定話好大，尤其是每個制度都會有啲位可以俾人走棧。人家要唔守法係一件事，但唔可以話因為成效低而乜都唔做。有做好過唔做嘛！

我要檢舉
台長： 莫尼

您可能對以下文章有興趣

人氣(304) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文