24h購物| | PChome| 登入
2004-11-01 05:21:03| 人氣84| 回應0 | 上一篇 | 下一篇

再看《FLCL》

推薦 0 收藏 0 轉貼0 訂閱站台

因為用Norton之鬼將舊腦 clone去新腦，試機時好就手咁就攞咗一套好老黎嘅卡通片DVD去較飛，就係GAINAX喺1999~2000年間出嘅《FLCL (Furi Kuri) (Fooly Cooly)》嘞（雖然話係「較飛」，但一套三隻碟USD$96，我會肯駛咁多錢買嘅卡通片，唔鍾意都唔會啦）。

老實講，睇咗好多次《FLCL》，都唔係好完全攞到呢套片嘅主旨，雖然喺碟裏面有啲輔助Bonus會話乜解咁咁咁，但齋睇套片，會係明啲唔明啲，知啲唔知啲。不過全片主題由第四集開始明顯，到第六集完結時更突出。Anyway，我唔係要點評論呢套片。

咁我又做乜會鍾意呢套自己都明唔晒嘅片呢？我諗同好多都會鍾意呢套片嘅人嘅理由差唔多：ａ．女主角Haruko同佢部（改裝過嘅）Vespa 180 Super Sport以及佢支（亦有改裝過嘅）Rickenbacker 4001，都係《FLCL》嘅標誌；ｂ．好搞嘢嘅電視機頭機械人Kanchi；ｃ． The Pillows好正嘅主題音樂。

《FLCL》所用嘅音樂同歌嘅數量都比我睇過嘅卡通片為多（６集嘅OVA嚟講，而且裏面亦冇以演藝界做背景或題材），而且質素極高，又同畫面配合──好有主角Naota成長期所有嘅愁緒feel，簡單一個字──「正」！即使唔睇套片只聽歌都好正。

睇過《FLCL》，難免會有啲後遺症，就係好想要部Vespa！但Vespa 180 SS係一架俾左撇子嘅綿羊仔……但唔會有問題嘅！只要適應力好應該冇問題嘅！我去過ebay揾，竟然真係有！不過我用晒成副身家都未必可以買到，所以都係等我真係發咗達先啦。

我要檢舉
台長： 莫尼

您可能對以下文章有興趣

人氣(84) | 回應(0)| 推薦 (0)| 收藏 (0)| 轉寄
全站分類: 不分類

TOP
詳全文