24h購物| | PChome| 登入
2004-07-12 10:07:40| 人氣156| 回應0 | 上一篇 | 下一篇

Truffaut

推薦 0 收藏 0 轉貼0 訂閱站台

屋企個裝CD、DVD個盒裏面，特別有幾套法國片，都係出自同一個導演──Truffaut──法國新浪潮時期最重要既人物，亦係一個鍾意電影既人唔會覺陌生既名字。

第一次知道Truffaut係中四時既事，坐我隔離嗰個同學叫阿鏵。佢勁鍾意電影，當時佢已經會睇外語片喇（中英文以外既外語，我都係去到中六中七先開始），佢重走去讀啲好似導演技巧班咁既課程……咁當然顯得佢比起其他人唔同，好似幾有才華咁。坐佢隔離既我好在都唔輸蝕，畫公仔都有番咁上下。

有日，阿鏵整咗本講外語電影既書其中一頁俾我，叫我幫佢畫裏面張劇照（之前都幫佢畫過《星光伴我心》）。相中一個大頭，鐵絲網後既少年抓住鐵絲網，一副無奈、複雜、叫詞窮既我難用言語表達既表情。阿鏵重話要放到張畫好大。用咗朝早上堂既時間畫好，放Lunch返課室後，見佢攞住十幾廿張A3紙：都係張畫放大影印既部分。當時砌番張畫時搞到全班好哄動。唔記得張嘢砌到幾大，不過就肯定至少有五尺高！

嗰本書將Truffaut譯做楚浮，香港人叫佢杜魯福。嗰張劇照來自佢第一部劇情長片──《Les Quatre Cents Coups（四百擊）》。

後來阿鏵借咗嗰本書俾我做閱讀報告。我會睇既原因（雖則睇完都唔知講乜），都係為咗啲劇照。因為鍾意畫嘢，所以都鍾意睇相。

幾年之後，喺書屋揾到本淨係講Truffaut作品既書。本著好奇精神，買咗。

近年，外語DVD比以前較多，又唔知乜事多咗有關佢既書。根據我呢本Truffaut電影Handbook，買咗《Jules et Jim》，陸續買咗其他：《L’Histoire D’Adele H.》、《La Nuit Americaine》、以及Antoine Doinel系列。見過《Fahrenheit 451》，不過未想買，事關Handbook話麻麻地；最鍾意係《La Nuit Americaine》；想買未揾到既有《La Mariee etait en Noir》同《Les Deux Anglaises et le Continent》。

我要檢舉
台長： 莫尼

您可能對以下文章有興趣

人氣(156) | 回應(0)| 推薦 (0)| 收藏 (0)| 轉寄
全站分類: 興趣嗜好(收藏、園藝、棋奕、汽機車) | 個人分類: Oldies |
此分類下一篇:小同學聚會

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文