此為數年前寫的, 而家呢座"騎里"的央圖, 成為特區市政局最後的, 最大的一堆xx, 另文中並無考據, 及考慮可讀性, 非學術文章也.
前言：
最近香港臨時市政局為香港新中央圖書館既設計，嘈到而家都未真正理尾，而
今次爭論既焦點所在，係建築物的外型，什麼“後現代，新古典”式，同“新現代”式，兩派人士互指對方品味差；其實講到後現代主義既建築物，香港就吾夠國內多，隔籬深圳就多的是，就等小記為大家介紹下！
若果大家放假到深圳玩，除左留意下街上有也好食、好玩，路上多吾多靚女之外，不妨抬頭睇下深圳近年新起既大樓，其古靈精怪程，比注重實際可以起樓面面積既香港，來得更加「出位」。而深圳政府刻意規劃既深南東路至深南大道，就特別多呢類建築物。
例如係外型同香港匯豐銀行非常接近既深圳供電局大樓；擁有一個好似中國農舍屋頂既中國農民銀行大廈；外形好似一棵向上生長既禾穗既深圳發展銀行大廈；同理好似三明治夾住火腿既信興廣場（地王大廈）。大家如果留心的會發現大廈外形設計，同佢本身單位既名字好有關係，呢的就係後現代主義既特點，吾要四四方方，外形單簡既設計，而想人地可以顧名思義。
至於點解建築師要設計呢的外形古既大樓，都係因為係二次大戰後，因為打完仗後，西方國家普遍窮晒，所以當時興的四四方方，最緊要可以用既設計，好似香港在五十年代起既徒置大廈，外形就無也裝飾，住到人同埋容納「必不可小」既公共設備，如公廁、公共浴室。
不過到右六、七十年代，社會普遍有錢之後，在歐美就興起「後現代主義」建築，要求吾好剩係掛住建築築物要有也功能，而係要在傳統建築形式內找尋靈感，或者結合建築物既名稱，所在位置做設計；譬如，澳洲悉尼歌劇院就做出風帆既外形；香港會展中心新翼，好似一隻海鷗（或者係海龜），棲息在海邊。
但係而家又吾係咁興，因為大家都認為建築物上搞咁多古怪裝飾，或者起到三尖八角，其實只係滿足建築師自己，一般人都好難明白設計者到底想表達什麼意思。
相對大陸既情況有些吾同，在改革開放之前，建築設計都跟蘇聯式，著重實際用途，到九十年代個社會有錢之後，先興起「後現代主義」建築，而深圳既發達都係呢十來年間之事，所以大陸既建築潮流，同世界有些吾同。
但係，話到尾所謂靚吾靚，係好主觀既問題，好似以前「著鞋吾著襪，係老土兼核突」，前排反而興吾著襪，而家你試下「著鞋襯靚襪」，好可能比的後生話你「娘炳」；觀乎香港回歸祖國，大家或者要調整下角度，試下接受偉大祖的眼光。
中國邊度多後現代建築：
如果大家對於後現代式建築有興趣既話，係大陸兩個擁有股票市場既城市，深圳同上海都吾少。深圳集中在深南東路一帶，大家如果去開世界之窗、 民俗文化村玩，坐的土既話，可以叫司機行深南東路去，沿途都可以見吾少，或者坐一ｏ一號冷氣公車，都可以睇到，不過坐中巴或者電單車就吾得，因為深南路吾比呢兩種交通工具行；上海方面，則多係浦東一帶，大家有機會去開，不妨過去睇下，試下估吾估到設計者既心思。
文章定位：
