最緊要大家開心‧我就心足了＠◆★傻羊★◆

2005-12-13 23:59:50| 人氣101| 回應0 | 上一篇 | 下一篇

最緊要大家開心‧我就心足了

推薦 0 收藏 0 轉貼0 訂閱站台

　　今晚既晚飯食得好唔開心，原本以為大家一家人齊齊整整咁坐埋一張圓枱食飯，會係一件好開心既事，但係估唔到會演變成大家既你一箭我一箭互刺對方既心。
　　本來我都想出聲，但係你知唔知由你坐低飲湯開始既每一句說話，句句都頂住阿哥。
　　我唔知你真正既出發點係乜野，但係我地始終都係一家人，一家人係需要大家互相去包容、互相去幫助、互相去解決所面對的困難．．．
　　畢竟阿哥要聚邊個做老婆係阿哥自己決定，唔可能由我地既一句「不喜歡」就要阿哥聚過第二個，呢件事已經成為事實，而我地做到既就係盡能力睇下阿哥有乜野可以幫得上忙，就算自己真係唔想幫，都唔好為阿哥再添麻煩
　　你走左上房之後，阿哥講到眼紅紅，錢係主因，其次係為左你，唉．．．我都唔知點講好
　　希望大家以後有咩事都攤出黎講，唔好要我地既是但一個承受晒，我地大家都知道你為左呢件事喊，你知道嗎，媽子老豆見到我地咁樣你一箭我一箭，佢地都好痛心。
　　大家都係想幫阿哥，我係知道架
　　或者可以試下用第二種方式去愛我們這個家，我相信會比現在活得更開心，能夠參與家裏的大事小事，任何事都由「一家人」去參與的話，從別人羨慕的眼光，就可知我們一家人的開心程度去到邊，從而你的得著也會越多。
　　真係好希望我地始終都係一家人，幫得就幫。
　　(睇見阿哥今晚爭ｄ喊，我都忍唔住。。。。)

引用你新聞台的一段說話
「原來..開心真是可以很簡單....這樣子就讓我開心了很久...反覆問自己..我要是平凡而開心的生活...還是爭名奪利的呢」
俾我揀，我會揀平平凡凡的生活。
人家要爭名奪利，我為什麼要學他們呢？
拼棄一切妒嫉、貪婪、邪惡．．．等等的面具
我們一定會活得開心

我要檢舉

台長： ◆★傻羊★◆

人氣(101) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)