24h購物| | PChome| 登入
2006-12-08 00:18:17| 人氣102| 回應0 | 上一篇 | 下一篇

unhappy....

推薦 0 收藏 0 轉貼0 訂閱站台

3年前..我屋屋只狗女生咗3只狗仔..其中有2只我俾咗我F..留繙一只係屋企..
我表妹屋企本來有只貓嘅.但係佢幾次來我屋企之後.好鈡意我細果只狗仔..
我初初係唔想俾只狗仔佢嘅.因爲我表妹自細就好克人憎.好殘忍.好冇家教.
但係佢爸爸（我舅父.我媽咪嘅哥哥）同我媽咪講.話好想要只狗仔.叫我媽咪俾佢
我媽咪就同我講.既然舅父開到口...就算啦..反正屋企都仲有只狗乸..
我好無奈甘迫不得已屈服咗..

後來我表妹拎咗只狗仔番去..初初都幾錫佢..日日放學都同佢玩..但係後來..3分鐘熱度..
之後就儅只狗仔出氣筒..耐唔耐就踢佢.打佢（打頭.打肚.打背脊）..有時候剩俾白飯佢食.
佢老豆老母又晤理..佢老母仲要由一開始就好討厭只狗..但係因爲初初個女鈡意.沒辦法..

雖然係甘.但只狗仔仲好聽話..一叫佢.佢就即刻飛撲到你面前..
你俾野佢食..無論係咩野..佢都擺擺尾甘接住..仲好開心甘行來行去..
哪怕我表妹對佢幾差..佢都唔會話晤鈡意我表妹之類..
即使打佢.佢都唔會咬人.最多dup住尾巴躲避..
就甘3年過去了.. 我每次去睇佢都覺得佢好摻..好心痛
但係媽咪話..“佢係度甘耐.都習慣架啦.算啦..而家帶佢繙屋企.佢仲未必會慣添。屋企都係狗女.費事佢騎只狗女啦”..我好無奈
到咗最近.我舅父話佢地果邊（惠福路）打狗[晤知係真定假啦...]..費事只狗俾人打..打算將只狗俾咗個保姆拎繙鄉下
我聽到之後..好佢地...覺得佢地好沒人性


試問一只狗..佢一生可以食得幾多.住得幾多..無論佢幾曳..佢始終係一條生命..況且
而家只狗仔仲要甘乖..佢忍受得拳打腳踢..都係想過日子...講句唔好聼..再過多幾年都死架啦..
點解唔俾佢安安樂樂甘過埋收尾果2年woo...

我一想象鄉下D狗嘅日子..就心涼...越來越後悔當初我沒堅持...
感覺上...我好似毀咗只狗狗..好心痛

而且好憎我表妹...憎到佢入心入肺....由佢細細個D行爲開始憎到佢而傢
從我記憶裏面..佢係金魚缸撈只清道夫上來玩.最後玩死咗......到佢釣魚.佢渣住條魚尾.魚頭拖地...係沙地拖咗好遠好遠....仲有抓住只雞同樣係甘拖...等等 D變態行爲...我覺得佢真係好變態..

我要檢舉
台長： .`我只是貓而已`.
人氣(102) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文