01.OCT.2005(SAT) (晴) (熱)
今日係我兩個幾月以黎第一次出番黎同班朋友遊車河,因為我已經冇揸車成兩個幾三個月了,係沉日我終於都買o左架幾o岩心水o既車,但可惜有好多問題發生,問題並不在於機件上o既問題,而係手續上o既問題....結果因為我o既處理失誤,而激嬲o左我女朋友,佢好唔高興,結果開車一走了之,我好想追上去,但因為較早前我應承o左我班朋友星期六會出車,而我之前亦問旖我女朋友,佢亦答應我一齊去,但可惜....
我唔係因為掛住玩而唔理我女朋友,係因為我應承o左人o既o野,我就必須要守諾言,由細到大,我都係要求自己"講得出,做得到",絕對唔可以食言!
對其他人黎講呢一種性格可能係好好,但我今日發覺到係錯架.....其實我今日係唔應該去出車....我應該放棄誠諾,....但當時我諗唔到!
今日我同班朋友遊o左去"迪士尼",我地左兜右兜....始終都搵唔到一個可以停到車而又睇到煙花o既位置,最後我地唯有搏一搏將架車泊埋一便就途步走入去睇,雖然結果我地都係睇唔到個堡壘,但仍然可以睇到d煙花!
我地企o左大約10分鐘左右,我個腦就不停地去諗起我女朋友,其實我真係好想佢係我身邊,一齊睇到我當時睇到o既煙花,可惜.....佢冇黎到!所以我都冇再睇落去,行番埋自己部車停!
之後我地去o左黃金海岸,其實我一d都唔想去,但因為今次係我提意出車,所以責任上我都唔可以就咁樣離開,所以去o左果度啦!
去到o既時候我好想佢地是但一個人會講句"走啦",咁我就可以安然離開大隊,因為我真係好想好想即刻飛去我女朋友屋企搵我女朋友,但佢地一直咁傾計,一路傾...從來冇人提出離開!
到o左差不多12:00左右,佢地終於都講走啦,於是我立即飛車,雖然我依然未能夠習慣到架車,但我已經諗唔到咁多,我一路飛,我個腦就一路諗....."我要快d去到佢屋企",由紅磡隧道去佢屋企以時速70~80km/h去行車一般最多只需要15~20分鐘,但今晚唔知點解d時間好似過得好慢,唔單止係時間,就連我揸緊o既車都好慢!
我搏晒命咁揸,出盡力去俾油....望住個咪錶....160km/h.....但依然覺得好慢咁,感覺上好似用o左好耐時間咁,但我唔理得唔諗得咁多,我個腦只係諗住快d去到佢屋企搵佢!
我終於都去到佢屋企樓下,我熄匙,落車...o羅個電話出黎諗住打俾佢之際,竟然撞到佢細佬返屋企,我同佢細佬打o左個招呼之後我就打電話俾佢,第一次冇人聽....第二次...終於接聽啦,我問佢:"伙係度做緊咩o野呀?",佢話:"依家幾點呀(00:50)?咁你話呢個鍾數通常d人會做d乜呀?",我答:"哦~~!妳訓緊覺呀?...咁妳繼續訓啦!(因為當我知道佢訓緊覺時,我就唔想再阻佢)",之後佢答:".....咁..OK啦你!...BYE BYE!"...我話:"喂~~喂~~~"....DO....DO...DO...收O左線,之後我立即再打番俾佢,但佢唔肯聽我電話,之後仲熄埋個電話添...!我只係想話俾妳知我黎o左妳屋企樓下o者,為何妳二話不說就收我線....為何唔肯再聽我電話.....
我SEND o左 SMS俾佢....係佢樓下企o左一段時間,我係度諗...可能佢一陣就會開番個電話,咁咪睇到我個SMS...咁咪知我黎o左o羅!...所以我依然企係佢樓下等!
等下等下...不經不覺已經差示多0300啦....佢一點回應也沒有,我諗佢都係唔會開電話架啦,所以我都開車離開啦!
返到黎開電腦,開ICQ...,突然心熱來潮想睇佢個ICQ Info,打開一睇見到:"以前聽到朋友拍拖去睇煙花, 我會話人迫迫, 睇電視都得啦
其實係因為從來都無人會咁傻陪我去迫去睇.......
今晚想去睇煙花......"......睇到之後我不禁流出眼淚來,....我錯了...真的錯了....我並唔係掛住同朋友出去玩而冇理妳,其實今次出車我係專登安排去迪士尼遊一遊,因為我講過會帶妳去好多妳未去過o既地方,我想同妳一齊係迪士尼睇煙花......好想攬住妳一齊睇....好想...好想.....
如果有人問我:"係會選擇你架新車呀,定係選擇你女朋友呀?"....咁我就一定會放棄我架車而去攬實我女朋友!
我係佢屋企樓下諗o左好多o野,物質上幾好都冇用...如果到頭來只剩下自己一個o既時候....揸咩o野靚車都冇用!
我個心就只有佢一個,我不停咁去努力去做好我自己,做一個好o既男朋友,但今日...我真係做錯o左!....好想同佢講句:"對唔住"!
今日又上o左一堂,我又知道多d有關我女朋友o既o野,了解多o左.......
我唔會俾一個錯誤重覆發生....我會繼續努力!
文章定位：
