與IVE同學的飯局＠加菲的寫意空間｜PChome Online 個人新聞台

2003-09-22 12:40:37| 人氣45| 回應0 | 上一篇 | 下一篇

與IVE同學的飯局

推薦 0 收藏 0 轉貼0 訂閱站台

呵呵…星期六返o左公司ot，做到六點半左右啦，約o左IVE o的同學食飯，本來打算去鵝頸橋底間Fat Angelo食架，不過我o地約o左o係times square等，行下行下就去o左sogo，之後esther又話jp都有間Steask House都幾好，仲平o的o添，咁我o地最後就決定近近o地，又平平o地，去o左jp o個間囉！

因為阿mid要睇舞蹈表演，要晏o的至到，於是我o地五個(Esther, 阿Man, Katherine, 阿英同我)就上o左去先，叫o左個”芝士加芝士”哈哈，其實係煙肉薯條加芝士，但Esther口快快講錯o左，哈哈…仲有就係凱撒沙律、意式海鮮意粉同一個雞肉配牛肋骨，到阿mid都o黎埋就叫多個帶子配長多士咁上下o既o野，仲有一個凍蝦，但唔知咩名堂！好好味呀，仲食到好飽o添呀，而有o的drinks 仲可以refill o添o架，得閒同你去食o丫！我知……要減肥丫麻，一次半次咁多啦，我好耐無同佢o地見面喇，開心就食多少少啦…:p

好開心呀，大家有講有笑，講下近況、講下以前學校生活，笑得好大聲呀，無晒儀態呀，嘻嘻！仲有呀，原來有幾個都有報夜校，仲要同我同一科、同一間學院呀，開心死啦，不過唔同班，而我今晚就打算要求轉班，轉去A班，到時就可以同Esther, Au Yee一班囉，呵呵！

食完飯就同Esther, 阿Man去睇大丈夫囉，有買一送一，三個人睇都係每人卅七蚊，十一點半場，真係幾好笑o既，不過我都留意到有o的人覺得唔好笑囉，咁呢o的觀點與角度o既o野，真係好難迎合晒所有人喎…

我要檢舉

台長：泥土星

人氣(45) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

回應(0)