我的減肥大計＠加菲的寫意空間｜PChome Online 個人新聞台

2003-09-16 10:19:08| 人氣48| 回應0 | 上一篇 | 下一篇

我的減肥大計

推薦 0 收藏 0 轉貼0 訂閱站台

你知道o麻？我細個好瘦o架，小學時候成日紮紮跳喎，所以真係可以用窈窕o黎形容呀，但係到o左中一、二開始，一o黎運動量少o左，二o黎自己開始唔停咁食零食，可以日日放學去OK買四球雪糕，搞到肥開就一發不可收拾喇！>x<

而我最肥o既時候就係中五會考o個段時間，差唔多成一百三十磅呀，死唔死，我又唔係高喎，得o個五尺三左右，成雙豬咁！>x<

到中六、中七係就係瘦返少少，但係都係扒中極品啦，又唔會打扮喎，成個肥師奶咁呀，唉…唔好提喇…！

畢業之後呢幾年雖然都脫離o左豬扒o既陰影，但係都係肥o左o的，其實我o係飲食習慣方面都改o左好多，差唔多都戒晒零食，係偶然一次半次過下口癮囉！:p

而我最近開始節食，同埋日日做運動，早睡早起，因為俾貓貓朋友話我生活無規律，咁諗落又係o既，所以要好好咁培養返一個好o既生活習慣！

我而家朝朝都會好早起身做運動，都係一o的針對手臂呀，腳呀同腰o既熱身運動，之後就原地跑三十分鐘！做完運動出身汗，沖埋個涼，成個人精神晒！爽呀！^_^

而係食方面呢…早餐就一碗牛奶麥條（都係麥皮o個類啦），晏晝就烚菜囉，塞爆個飯盒o架都，如果嫌無肉都可以加幾片o既，一係就加隻烚蛋走黃囉…夜晚就可以豐富o的喇，食返正餐，不過都要盡量少油少肉，多菜多營養為主！呵呵

唔~~差唔多一個禮拜，我無磅過有無輕到呀，一過就覺得自己瘦o左少少咁啦，咁著衫著褲都Feel都o架o麻…^o^

大家俾多個多月時間我啦，希望到時真係成功啦，其實我目標係減十五磅左右啦，太瘦我又覺得唔係咁好…:p

我要檢舉

台長：泥土星

人氣(48) | 回應(0)| 推薦 (0)| 收藏 (0)| 轉寄
全站分類: 社會萬象(時事、政論、公益、八卦、社會、宗教、超自然)

回應(0)