這個問題理論上沒有既定答案
只是想起這個題目
所以提出來
讓大家想想
以下有四個短的愛情故事
可能對大家有一些啓發和思考
(註: 我並不懂什麼愛情,
更加唔識追女仔,
所以唔好介意 d 橋段可能有d舊)
~~~
(1)
主角: 剛剛偷食完的男朋友 & 對男朋友很專一的女朋友
女: 你頭先去左邊?
男: 呢 d 係你鐘意食 ge 朱古力?
女: 我唔要你 d 朱古力... (然後用手把男仔手上的朱古力掃落地)
男: 喂...你想點啊你
女: 我只係想你愛我...
男: 我愛你, 我點會唔愛你, 拿我講一百句「我愛你」俾你聽，我愛你...
女: 夠了, 你答我, 到底你頭先去左邊?
男: 點解你一定要問我去左邊...你理得我去邊...
<問題時間>
到底, 你願意與這樣的男朋友拍拖嗎?
(2)
主角: 追女仔的男仔 & 被追求的女仔
男: 呢隻係今年最新款的戒指, 我送俾你當生日禮物吧...
女: 哦, 多謝
男: 我地一齊去睇呢套戲吧, d 人話好好睇的
女: 哦, 是但啦
...
男: 其實呢, 我想同你講好耐 ga na, 我鐘意左你呀...
女: 哦, 係咩...
男: 你呢, 你鐘唔鐘意我呢?
女: 唔, 麻麻地啦
男: 點解呢? 係唔係我對你唔夠好呢?
女: 唔, 其實, 你有冇關心過我呢?
男: 當然有啦, 我巳經揀你最喜歡的禮物俾你, 巳經請你食你最喜歡的食物,...
女: 那麼, 你知不知道, 我現在好唔開心呢...
<問題時間>
你覺得個男仔為什麼得不到那個女仔的歡心呢?
(唔計個女仔唔鐘意佢...)
(3)
主角: 我 (沉默男 =.=) 與未來女朋友 (有先算...)
女: 講真, 我完全唔覺得你愛我...
我: 嗯, 係咩...
女: 你睇下你, 每次同你傾計, 你都冇咩話題 ge...
我: 嗯, 都係 ge...
女: 你又唔識好似其他男仔咁, 識得扮下貓仔狗仔"tum"下我
(註: 呢家到底興唔興呢 d 野呢?...)
我: (心想: 扮豬你鐘唔鐘意?)
女: 你又唔會送下禮物仔 tum 下我, 唉, 都廢事講落去, 你就係咁廢的...
<問題時間>
今次想問的問題有兩個, 第一個係:
你覺得我其實鐘唔鐘意個女仔呢?
(Michael: 唔鐘意... =.=)
如果係唔鐘意, 咁點解仲要同佢一齊呢?
(Michael: 貪佢d 錢, 貪佢樣靚, ... @@)
(註: 現實的 Michael 不是這樣的 ...)
第二個問題係:
如果你係個女仔, 你信唔信我鐘意你呢?
(4)
主角: 我 (懦弱男) & 第二個女仔
(我都幾大想頭哦..., 竟然會有兩個女仔鐘意我)
女: 如果你愛我, 你就跳落城門河, 對住我講「我愛你」
我: 如果唔跳, 又如何?
女: 如果你唔跳, 就分手, 巳後唔好再見了
(今次的故事很簡單,
一來因為我真係未拍過拖,
唔係太知d 人拍拖鐘意做咩,
所以故事越來越冇新意...
二來係因為我都唔太需要再補充什麼...)
<問題時間>
當然唔係問你跳唔跳, 而係問,
你估個女仔係唔係真係鐘意我呢?
~~~~~
其實有番曉風組的就會知道
我剛才說的
不單是愛情故事
也是屬靈故事
我們最近查了有關<信心和行為>的關係
解析了到底相信神緊要
還是遵行主的話語緊要
到底是否相信神就可以上天堂
你能不能做到主的話語也不重要
其實上面四條愛情小問題
也可以當為四條屬靈大問題:
(1) 你覺得上帝會愛一個不忠心的人嗎? 他喜悅的我們的獻祭和禮物嗎?
祂喜悅我們口裏說我愛你, 心裏卻想著別人嗎?
(2) 你到底知不知道神的心裏想什麼? 你有沒有想過神心裏想什麼?
還是你只是十分自豪你為了追求主, 付出了多少?
(3) 你覺得神到底愛不愛你? 你憑什麼相信神愛你?
神今天(不是二千年前)做了什麼事令你覺得祂愛你?
換個角度來說，你覺得你愛不愛神? 你今天由做了什麼令你得你愛祂?
(4) 你覺得主需不需要你用行動証明你愛祂?
如果需要, 你覺得主要求你會叫你做什麼瘋狂的行為去証明你愛祂呢?
如果不需要, 你覺得神會跟你說「分手」嗎?
~~~~
回到標題的那條問題
其實你心裏渴望的是怎樣的伴侶呢?
你愛的是怎樣的伴侶?
你願意跟他/她走過這日子的又是什麼樣的伴侶呢?
但願我們對主的信心和愛心
與我們的行為相稱
因為我們和主一樣
我們所愛的
不單內裏愛我們
也是外裏愛我們
不單願意番教會看聖經
也願意關心神所關心的事
成為討神喜悅的人
文章定位：
