20-12-2003: 二十三歲女喇!＠♥*SeCrEt GaRdEn*♥

2004-01-17 20:02:00| 人氣40| 回應0 | 上一篇 | 下一篇

20-12-2003: 二十三歲女喇!

推薦 0 收藏 0 轉貼0 訂閱站台

今日係小女子二十三歲生日,死喇,好老喇~!

今日係星期六,婆婆阿姨佢地黎左,所以我都要陪屋企一個晏晝先出去。
俟晚我同kin先出去沙田影咭,跟住就搭車去湾仔食飯。原來佢帶我去R66,其實上次佢生日都想同佢去呢度慶祝架,但o個期太窮,負擔不起o係呢度食飯呀~!今次比佢揀左添!>__<

如果10分係滿分,呢度真係有20個舒服,夜景實在靚到不得了,又o甘o岩有煙花睇,加上對上一次o係旋轉餐廳食飯,應該係好耐好耐之前同屋企人去o既事了!而buffet d野食,都有15個好食呀!所有野都超乎水準!

食食吓飯,佢話出去拎野食,點知捧住一大紥花入黎,今次係粉紅加白色,好重呀今次束花@__@
臨尾我仲點左首歌..........唱歌O個個唔知咩藉O既女人都好nice,我真係坐到唔捨得走~!但真係夜喇,冇辦法啦!我地之後搭叮叮落銅鑼灣行左陣,本來想入歌,但完全冇law!o係寵物店見到隻超可愛o既松鼠狗仔,好鍾意好鍾意呀!!!!!!!!

唉,邪在..竟然o係條街度撞到阿rex..
之後搭車返沙田,12點o既時候,kin send左個sms比我,但個電話號碼係6字頭,完全未見過o既,之後佢叫知睇真d個number..原來係有意思的,係佢千方百計叫個機主讓個電話號碼比佢,但價值不菲喇......唉..

我地o係沙田新城市坐左陣,睇佢張咭,咭上面幅畫同裡面o既雪花,我都好鍾意。尤其是幅畫,真係好感動好感動,直接反應已經感動到喊喇>__< 好估唔到..真係好多謝你。

我地影左d相就返去喇..今日好開心呀~!佢為今日真係花左好多好多心思,我真係收到哂,好多謝你呀!但你同樣花左好多好多金錢,唔好再係o甘喇..自己好好地儲起d$$啦 #__#

P.S~個嬲爆爆公仔係佢特別訂造的,全世界得一個架咋!

我要檢舉

台長： SnOwGiRl

人氣(40) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)