24h購物| | PChome| 登入
2014-08-29 17:35:04| 人氣562| 回應14 | 上一篇 | 下一篇

消暑聖品（上）

推薦 0 收藏 0 轉貼0 訂閱站台

現在雖然過了立秋，不過氣溫仍很悶熱，始終呢個時候仲係八月份，一年中最熱的月份，最簡單的消暑妙法都莫過於涼冷氣，或沖一個凍水浴…講開又講昨日聽人講，有人幫個細路玩冰桶挑戰，雖然而家天氣好熱，但一下子一盤冰水照頭淋，適應唔到就會冷病，大人自己玩都覺得憨居啦！何況幫個細路玩！就算為慈善都要做得理智啲…直接捐錢或做義工來得更實際！

講返正題，正所謂不時不食，炎炎夏日有咩好得過食雪糕，雪條…雪條好少食，鍾意紅荳雪條！食雪糕比較多，話晒老人家唔食得咁多生冷食物～所以淺嚐就算…好多時港人選擇東西時，往往都會碰到二揀一…
無論是便利店、超市、藥房、電視台…都可以有兩個選擇，甚至連雪糕都有兩大牌子畀你揀！

對於森伯呢種九流食家來講，食雪糕都冇乜揀擇！口味啱就得！……不過都可以畀啲愚見：D牌雪糕的確好味得多，綿滑又有奶香，夠晒濃郁，反之H牌的雪糕比較清淡，再仔細看看營養標籤，發覺原來H牌雪糕用料較少，亦冇咩添加代號，難怪佢比較其他品牌貴少少，又想食雪糕又想食得比較健康的話，揀H牌較好～而D牌真係純粹為口味，發覺佢都標明唔少添加代號……
講起食雪糕，會諗返細時有個怪行，喜歡把雪糕攪溶先食…又唔知大家有冇呢個相同癖好呢??!!…XXD！！到今時今日間中都會咁做，不過都幾浪費，倒不如去麥記買杯奶昔仲好，而且大杯夾抵食！！

我要檢舉
#炎熱#雪糕#消暑品#口味
台長： 森源

您可能對以下文章有興趣

人氣(562) | 回應(14)| 推薦 (0)| 收藏 (0)
全站分類: 心情日記(隨筆、日記、心情手札)

我要回應
Stella
最健康是吃雪葩，但也勁貴，少吃多滋味，多吃又會肥！
2014-08-29 19:45:43
版主回應
雪葩等同沙冰嗎?!甚少食...
每樣食物都適量,唔會食過多~~
2014-09-01 08:46:57
呀博
森兄
2揀1我揀 D 牌 , 如果要攪到糊仔狀0既食物我又冇依個習慣 , 諗起雪櫃仲有3 支甜筒 ,去消下暑先 哈哈 !
2014-08-29 20:03:25
版主回應
D 牌口味比較多選擇,總有一款心頭好!!
簡單就最好,淨云呢拿味是我必然之選...
細時食甜筒多,人老了反而少食~~哈哈哈
2014-09-01 08:55:50
搞一爺
太肥喇！戒食。（唔食都仲有小肚腩，真衰！！！）
2014-08-30 10:28:49
版主回應
哈哈...自己食就肥C!!!與人分享就唔駛食咁多~~駛乜戒!!
2014-09-01 09:29:38
Gael
搞溶咁核突?!!@@絕對唔會!!!!
2014-08-30 13:33:03
版主回應
有幾核突?!!我間中都會買鮮奶加雪糕,攪拌一齊食，當奶昔!!
2014-09-01 09:33:38
ohtria
我呢度冇D牌賣.
2014-08-30 22:33:37
版主回應
D牌雪糕現在好似收為雀巢公司旗下，未必度度有得賣...
2014-09-01 09:37:21
kammy
我喜歡食D牌,多數會揀咖啡,不過好貴,所以都唔捨得成日食,而且好肥...
2014-08-31 00:23:43
版主回應
係呀!!D牌的咖啡雪糕好正~~
平時唔多食,所以唔會好肥!!
2014-09-01 09:45:54
Choilinwong
少年時中意食紅豆雪條或朱古力脆皮！
2014-09-01 15:55:23
版主回應
紅荳雪條...人人like～
不過始終雪條太冰涷，諗吓都覺得凍，所以依家甚少買！！
2014-09-01 17:06:39
搞一爺
細個無錢同兄弟買孖條食，一人分半條。
2014-09-02 06:43:11
版主回應
孖條真係好多人的兒時回憶...反而孖條對森伯來講又冇咩特別回憶~~
2014-09-02 09:17:03
ykk
~細個常吃Mountain Cream!
~口味比較喜歡食雪條多過蓮花杯.
~以前雪條棒是塑膠, 製成各款兵器, 未食完支雪條都唔知是劍定刀.
2014-09-02 11:35:21
版主回應
你講起Mountain Cream…突然又記返以前有呢個牌子！以前的雪糕冇乜外國牌子，好記得牛奶公司的蓮花杯～
雪條棒是兵器?!!呢樣又冇咩印象…最記得係木製的雪條棒~~
2014-09-02 16:29:02
ykk
比較喜歡D牌.
近期已經吃了三盒D牌mini size的朱古力脆皮雪條仔,有朱古力, 綠茶, 芒果和士多啤梨口味, 個人覺得朱古力餡最好!
2014-09-02 11:44:19
版主回應
前陣子食了D牌的所謂藍莓甜筒…純粹試新嘢！
朱古力餡一定好食，比較同雪糕配合～
2014-09-02 16:30:56
玫瑰
屋企多數買H牌!有時會睇邊款減價或平d先買!
2014-09-02 12:41:52
版主回應
咁你真係精明消費者！通常天時冷一定有得減價…
2014-09-02 16:31:25
如心恕也
小時候很少機會吃雪糕，所以好像習慣了，到如今也很少食。
而你講嗰種攪到溶食法，我就唔會咯，哈…我係大啖大啖的食，咁樣食至滿足㗎！
2014-09-03 22:03:32
版主回應
其實雪糕對我來講, 食得唔多……只是間中食!!
始終冷藏食物, 不能多吃~~
我都覺得攪溶會好浪費, 大啖食又怕凍, 因此多與人分享食~~
2014-09-04 10:01:18
愚
這是我的致愛，不過而家要限住食:P
2014-09-07 22:03:27
版主回應
唔緊要，少食多滋味～
適可而止就最好~~
2014-09-08 09:14:41
繪畫樂園
搞溶少少嚟食我都有呢啲習慣，覺得軟滑啲，用塊梳打餅當匙羮挑嚟食，咬少少餅加些少雪糕真係幾和味，有碎果仁仲正，又冇噤甜，又香又脆。
2014-10-02 20:06:53
版主回應
好耐冇見嘞!!最近好嗎??
食雪糕又冇太講究,通常都係與人分享...都想搵日買兜雪糕自己食晒!!家陣雪糕款式多多,總搵到自己喜歡的口味~~
2014-10-03 09:27:27
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文