黃貫中踩界騷爆粗
黃貫中前晚在紅館舉行《狂人習作之音樂篇》演唱會，與他傳不和的黃家強未有捧場。獻唱歌曲《踩界》前，現場播放一段電腦聲帶，當中夾雜英文粗口「Fxxking」，果然「踩界」！
黃貫中（Paul）前晚以型爆西裝Look出場，全場歌迷起立，表現亢奮！他邀得好友Soler擔任表演嘉賓，而女友朱茵則在控制台欣賞。Paul在台上打傘獻唱，台下亦有歌迷拿尠雨傘，場面搞笑，原來他本打算在演出期間玩水，但最後因擔心弄濕音響器材而取消。
席上播出軟硬短片介紹嘉賓出場，戴上假髮的軟硬大唱雙簧，更化身組合「高山青龍」搞笑。葛民輝在片中問林海峰有否聽過「Paul」這個名字，林海峰說：「有聽過，麻麻地，識作曲、填詞、監製、編曲，唔識講野、跳舞同唔夠K（指歌曲）。（覺得Paul既音樂點？）玩音樂囉！唔通玩狗咩？」事後，Paul表示曾跟軟硬商量內容，即使被踩也不會介意。
另外，當Paul獻唱《踩界》前，現場播出一段電腦聲帶，當中竟夾雜英文粗口「Fxxking」，非常出位！他對此笑說：「預先錄左，由電腦程式員控制。（好似有講粗口？）把聲似我咩？」
朱茵玩到癲
完騷後，他與朱茵甜蜜地拖手出席慶功宴，但合照時卻一臉尷尬。朱茵忘我地與一名樂隊成員的兒子玩個不停，露Bra邊與喱士內褲邊也懵然不知！捧場的賓客包括尹子維、陳子聰、Shine、張文慈與黃泆潼等，但未見與Paul傳不和的黃家強。
**太陽報
Paul個唱踩界 粗口壓軸
黃 貫 中 （ Paul ） 前 晚 於 紅 館 舉 行 《 狂 人 習 作 之 音 樂 篇 》 演 唱 會 ， 尾 聲 時 Paul 唱 出 《 踩 界 》 ， 更 播 出 「 Fxxking 」 的 英 文 粗 口 電 腦 聲 帶 ， 似 乎 要 「 踩 過 界 」 。
前 晚 陳 子 聰 夫 婦 、 Shine 及 張 文 慈 等 到 紅 館 捧 場 ， 卻 未 見 Beyond 隊 友 黃 家 強 及 葉 世 榮 蹤 影 ， 而 Paul 的 女 友 朱 茵 全 程 坐 在 控 制 台 欣 賞 演 出 。 西 裝 骨 骨 的 Paul 化 身 「 阿 博 」 ， 返 工 打 卡 現 身 於 放 滿 大 型 喇 叭 的 舞 台 上 ， 他 甫 出 現 即 打 開 雨 傘 ， 觀 眾 亦 跟 隨 站 起 來 開 遮 。
Paul 不 時 呼 籲 樂 迷 除 衫 ， 但 他 全 晚 最 激 亦 只 脫 下 外 套 。 期 間 ， 現 場 播 放 軟 硬 的 片 段 ， 頭 戴 假 髮 的 軟 硬 化 身 「 高 山 青 龍 」 批 評 Paul ： 「 有 聽 過 ， 佢 麻 麻 地 ， 淨 係 識 作 曲 、 填 詞 、 編 曲 、 監 製 ， 又 唔 識 講 野 ， 唔 識 跳 舞 ， 又 唔 夠 『 K 』 ！ 」 說 罷 即 唱 古 巨 基 的 歌 曲 ， 似 有 弦 外 之 音 。
何 超 儀 被 抬 起
臨 近 尾 聲 ， Paul 正 想 唱 《 踩 界 》 ， 當 音 樂 響 起 時 ， 現 場 即 播 放 一 段 經 處 理 的 英 文 聲 帶 ， 當 中 出 現 英 文 粗 口 ， 其 後 有 台 下 歌 迷 被 抬 起 ， 其 中 一 位 更 是 何 超 儀 ， 狀 甚 興 奮 。 Encore 時 ， Paul 演 繹 Beyond 的 《 命 運 是 你 家 》 ， 表 示 要 送 給 一 位 好 友 ， 相 信 該 位 好 友 便 是 黃 家 駒 。 個 唱 完 結 時 ， 歌 迷 經 過 三 次 廣 播 及 擾 攘 十 分 鐘 後 才 離 開 。
Paul 拖 著 朱 茵 出 席 慶 功 宴 ， 問 Paul 是 否 講 粗 口 ？ 他 面 露 笑 容 說 ： 「 把 聲 似 我 咩 ？ 係 我 一 早 錄 定 ， 但 點 播 係 電 腦 程 式 員 決 定 。 」 Paul 自 評 表 現 七 十 分 ， 歌 迷 則 值 滿 分 ： 「 三 十 分 係 仲 有 野 要 進 步 ， 好 難 講 出 黎 ， 我 自 己 知 。 開 頭 D 歌 好 灰 ， 後 面 要 一 口 氣 唱 晒 十 幾 首 快 歌 ， 未 試 過 ， 叫 有 交 代 。 」
**東方日報
軟 硬 嘲 基 仔 靠 K 歌 呃 飯 食
(星島日報報道)黃貫中一向敢怒敢言，罵盡樂壇不平事，怎料個唱中卻被「軟硬天使」搶先發炮，暗寸某些歌手只懂唱商業K歌，一番恨鐵不成鋼的說話看似是「愛得太遲」，但其實卻是「罵得太遲」﹗
黃貫中（Paul）前晚在紅館舉行的「狂人習作之音樂篇演唱會」大玩化身，西裝筆挺的Paul以創作人物「阿博」出場，扮表演嘉賓揭開序幕。以短片作賀禮的「軟硬天使」林海峰和葛民輝亦戴上假髮變身成新樂隊「高山青龍」，以鬼馬抵死的嘲諷強項，論盡樂壇，逗得全場爆笑。
在「阿博」和Paul正式登場的交接時段，螢光幕播放了「軟硬」精心炮製的短片娛賓，換上搞笑箭豬頭的「軟硬」自稱是「高山青龍」樂隊成員，以明踩暗讚的手法讚Paul說﹕「識唔識黃貫中﹖有聽過下個名咁喇，麻麻地，唔係好識﹔只知佢識作曲、填詞、監製﹔但佢又唔識跳舞、又唔識講野，唱0既歌又唔夠K﹗」隨即唱了幾句《愛得太遲》，明嘲主唱者古巨基的歌曲太過商業化。說到香港樂壇，「高山青龍」又說﹕「香港樂壇無乜希望，做音樂已經無乜機會賺錢，夾Band又好辛苦，但Paul除左玩音樂仲識做乜，唔通玩狗咩﹗」繼而以國語唱出，「東方一條龍，我要黃貫中」。
過往Paul的表演充滿狂野的搖滾本色，引得觀眾紛紛站起身狂叫狂跳，但前晚他用了嶄新的表演方式，上半場以連串灰暗曲調營造身處谷底的死亡色彩，雖然有部分觀眾仍然是站覑欣賞，但氣氛不太熱鬧，Paul即呼籲觀眾說︰「大家是否被『阿博』搞到個開場好死亡，高興多少少喇﹗」隨後觀眾的反應亦愈來愈興奮，部分在安歌過後也不願離場，加上舞台3度亮燈惹上再度安歌的誤會，最終紅館要兩度播放完場聲段才能清場。事後Paul大讚要畀足100分給觀眾，因歌迷甫開始站到完場，反應很好，但就自評當晚表現僅得70分。
當晚Paul以Beyond的一曲《命運是你家》獻給故友黃家駒﹔在第二段間場聲帶中，連串的一系列的英語中突然夾雜了一句粗口，Paul表示之前應導演的安排，錄了很多不同說話，但現場播放的決定權，則不在自己身上，全由電腦控製員操控。
此外，當晚Paul邀請了Solar任表演嘉賓，女友則直落由會場、再陪著Paul十指緊扣出席慶功宴。而圈中捧場客亦眾多，計有何超儀、陳子聰、尹子維、許懷欣、Shine及張文慈等，臨近尾聲全場最興奮之時，超儀在台下更被人4腳朝天舉起，明顯一班好友都看得十分盡興。惜全晚未見前Beyond成員的兩位拍檔黃家強和葉世榮到場。
**星島日報
文章定位：
