完了(追加〈收集令人期待的「反應」〉)＠may i tell... ...

2011-01-12 22:24:53| 人氣765| 回應4 | 上一篇 | 下一篇

完了(追加〈收集令人期待的「反應」〉)

推薦 8 收藏 0 轉貼0 訂閱站台

剪髮將近半月,
頗期待眾人看到我新髮型的反應,
並不是希望得到好評如潮,
純粹是那第一刻的反應,
看到簡直像換了一個頭(髮型而已)的我,
那一刻驚奇或怎麼樣都有一點點覺得新奇的反應,
很有趣.

爹:「我以為你小小e嚟左添!」
(他一進家門,
首先繃緊了一下臉,
兩眼瞪大,
然後很快又回復鬆弛.)

娘:「做咩剪短頭髮呀傻女! 咁凍!」
(她一踏出廚房,
看見剛由廁所出來的我.)

補習的小朋友:「咦!! 我以為邊個!」
(他毫不猶豫地開門給我,
之後才猶疑是不是開錯門了.
被我說教了:
「你爹地媽咪冇教你唔好立亂開門俾陌生人咩~??」)

補習的小朋友:「你知唔知你走左之後我妹妹同我媽咪講咗啲咩呀?」
我:「唔知.」
補習的小朋友:「佢話要剪你個髮型呀~ 話好有型喎~」
(這是第二堂補習的事.
把我嚇壞的是,
小妹妹真的知道甚麼為之型嗎?
她只有K2啊...)

KaWing:「呂懌你喺邊呀?... 呀! 我見到你喇. 嘩!」
(我們相約在café high tea,
我先到,
找了個背對著出口的位置,
她電話來我才回頭找她.)

同事Candice:「我以為邊個衝咗入office呀.」

helper Jatko:「第一眼真係認唔到你.」

同事Kathy:「嘩! 新同事牙~!」

Eric Sir:「今年興短髮咩? 仲要個個剪到有咁短得咁短!」

同事阿廉:「你呢個髮型真係清爽好多.」

OJ:「嘩呂懌你啲頭髮呢?!?!」
(她是一氣呵成的,
而我的回答是:
「我有頭髮呀!」)

豬姐男友:「下, 嗰個係你嚟架~!?」
(對話內容是關於上一次九人幫聚會,
這位男士曾經開車接載過我們,
那時我坐後座,
明顯地不認得…)

Miss姚:「咁捨得剪咗把頭髮嘅? 不過好好睇.」

同事Carman:「呢個髮型真係好啱你!」

同事Jason:「型呀~! 你呢個頭!」

舊同事阿Roy:「你個頭像咩黎架?... 下!? 你嚟架?!!!」
(我跟他msn.
msn的頭像跟這台的一樣.)

同事Raymond:「咦… 嘩!!」
(我遠遠向他走去,
他定眼看著沒反應,
到6秒距離時我跟他揮手,
我看見他口型發出「咦」這樣的疑問,
到3秒距離時他終於認出我了.)

收集到的反應並不需經過篩選都好評如潮,
是意外的收穫,
反而其他沒啥反應的人,
讓我覺得有丁點失落了.
哈~
流露draw精本性~

每天預早

20分鐘起床洗頭的日子完了,
用三倍洗頭水才夠的日子完了.
不過換來的是,
拿著風筒的日子要來臨了,
每天醒來變天使低低b的日子要來臨了.
是好是壞呢?
看看效果才知道吧.

第二次自己決定把頭髮剪短,
縱然是自己狠下心的決定,
行動的時候卻沒有了那種狠勁,
髮型屋裡舒服的坐椅頓時變成電椅,
Rita下剪的瞬間大底是行刑的時候.
跟上次剪短頭髮的感覺沒有不同,
都緊張得要命,
可是我緊張啥呀~???
恐懼因素部分也來自於看不見,
摘下了眼鏡我幾乎是全盲,
(我也不戴con.)
只相距呎半的鏡子也是看不見的,
我就在一個茫茫不知就裡的情況下被造型,
不知道能否達到事前要求的造型,
就像矇住雙眼被虜走不知要到甚麼地方去.
　　