０６／０２　ｄａｙ２/ Rottach - 慕尼黑＠德國＠Ｎｉｇｈｔ　ＣａＴ　ｃＡｔ　之家

2009-02-10 19:11:18| 人氣245| 回應0 | 上一篇 | 下一篇

推薦 0 收藏 0 轉貼0 訂閱站台

今朝一早俾小麥嘈醒，大家唔好以為我係６－７點俾佢嘈醒，而係３－４點俾佢嘈醒，佢仲扮細聲果道好笑！最後佢連老闆都嘈醒埋，仲陪佢耍太極！

大概７點左右，小麥又黎料，佢可能見到我開眼！佢過黎叫我唔好訓！大佬我尋日遲你好多訓架！懶下床都得嘛！真係煩到嘔！我知小朋友係咁，真係唔夠訓你就喊得，我就好明顯唔喊得架．．．咁大個人唔夠訓可以點．．．

最後差唔多７點半我起身，攪掂哂ｄ野落去食早餐！呢道ｄ早餐好好味架！不過梗係食唔多啦！ｄ麵包真係好味到爆，外脆內軟架！仲食左ｄ蛋添啦！今朝應該超哂標架喇．．．

食完早餐之後，我地拎車，ｋａｒｅｎ車我地遊車河，我地初時諗住去番我地尋晚果道俾ｋａｒｅｎ睇一睇！點知兜左一陣老闆話佢行錯路（其實係岩路，佢話我地唔岩）！最後梗係我岩啦！明明就係呢條路！仲話唔係．．．

上完半山影相，我地嘗試又搵下個鬼客住邊，之後去到個湖道影相，之後就行超市喇　～～　呢道ｄ超市好好行！我仲買左好多手信！ｇｏｏｄ！

行到１０點半就番黎酒店放底哂ｄ野就出去個客道開會喇！以為可以出街食飯，點知老闆話留係道澎澎聲做完ｄ野啦，個鬼客出去買三文治，佢好好人架　～～　又借車俾我地，又請我地食飯，佢真係一個好人黎架！！

個會竟然開到７點，眼訓到爆，其間老闆仲打爛杯添！好在唔係我咋，唔係又俾佢話！！之後番酒店沖涼，等出去食飯！

今晚我地去左男鬼個朋友既餐廳，真係好味到爆呀！我地叫左幾樣野一齊ｓｈａｒｅ黎食！好好味！其間小麥又黎料啦！成日都問幾時走，都真係幾冇禮貌！好在ｄ鬼唔識聽！唉．．．有小朋友都真係好難教！

食到成１１點先番到黎．．．（香港時間０７２４喇．．．）

ＰＳ：今日終於有Ｄ野攪下，等我冇諗香港！真係好　～～

今日大概食既野有：

早餐：１隻半生熟蛋／３匙炒蛋／１片火退／１個麵包／１片菠羅／半個奇異果／１片蜜瓜

午餐：半件煙三文魚三文治／４份１件火退三文治

晚餐：４份１隻和花雀／１碗什海鮮湯／１片鹿肉扒／半件牛扒／半匙鵝肝／２匙木瓜雪杷

我要檢舉

台長：夜貓貓

人氣(245) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 2009年德國之旅 |
此分類下一篇:０７／０２　ｄａｙ３/ 慕尼黑＠德國
此分類上一篇:０５／０２　ｄａｙ１/ Rottach - 慕尼黑＠德國

回應(0)

Ｎｉｇｈｔ ＣａＴ ｃＡｔ 之家 多謝大家留意我的一舉一動 89愛的鼓勵 0訂閱站台