Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

日本身由本地遊轉左３６０大澳遊　～～　都真係估佢唔到！！

我地今朝７點３就起身！食埋個早餐８點先出門口！

行落去藍田坐Ｅ２２，等左一陣就有車喇！仲同二姨一家四口一架車添！

入到去東涌９點３！原來佢地未食早餐架！我地先去老麥，銘慇打左好多個電話俾三姨都冇人聽！而我地食左早餐所以就去３６０個站道睇下見唔見佢喇　～～　原來三姨冇帶電話呀．．．好在佢唔係食左好耐風！

終於可以出發喇　～～　今日好好彩！唔係好多人！我地仲抵左！因為我地坐單程都要　７４蚊一個，但係依家我地買套票都係９２蚊，仲可以任坐巴士添！但係亞浩話我地太衝動喇！佢話我地每個人都只係平得５蚊！但係我地成９個人都平好多啦．．．

３６０同ＯＰ冇乜分別！只係架車大好多同埋高好多！全程車我地不停咁影相！架車上到山仲見到有人行山，仲同我地ＳＡＹ　ＨＩ呀！

我地終於到終點喇　～～　之後既行程就係經過市集就上去大佛喇！！
呢個市集都幾無聊架喎！香港人一Ｄ興趣都冇．．．
之後就梗係行上大佛啦　～～　行左成６層樓既樓梯終於上到去喇，我地兜左個圈先搵入口去大佛果道，點知．．．我明明記得上次上去個佛道唔駛咁煩，今次竟然要係寶蓮寺食齋先可以上個佛道（我既意思係好近個大佛，即係去睇佢果粒舍利子呀！！）我地係入面又兜一個圈之後就入寶蓮寺喇　～～　因為ＡＵＮＴＩＥ要拜神呀！
ＡＵＮＴＩＥ就拜神，而我地呢Ｄ梗係搵野食啦　～～　好鬼餓呀！！個寺Ｄ花好靚好特別呀！我就梗係試下影啦　～～　都ＯＫ架！！
食完之後我地去心經簡林，都幾遠下，我仲以為好近，都經過森林架．．．不過都幾壯觀呀！好大條既木，刻哂心經既句子係上面！

行完之後我地又去番市集果邊搵巴士坐，我地要去東方小祇園食晏呀！
個個都話呢道好食，入黎就梗係要試下啦！呢道都幾難搵，去到大澳巴士站都仲要行一大段路入去！

好在有訂位，唔係都唔知要唔要等好耐位，我訂位果陣仲訂左一隻雞，唔係連雞都冇得食，初時我以為呢道係食齋架．．．原來唔係！呢道乜都有得食，連海鮮都有呀！
食完野，我地梗係要行下啦！好飽呀大佬　～～　

我地經過一個紅樹林，都幾多野睇架　～～　之後就入大澳既大街行下喇！我覺得呢道都幾似長洲架！不過呢道就多野睇好多囉！

我地今日試左阿ＳＯ既全香港最好味既檸檬茶，都不外如事啦！初時仲想食炭燒雞蛋仔架，但係實在太多人！最後亞浩都只係排左炭燒魷魚！

二姨話有間食芝麻糊好好味架，我地就去試啦！點知．．．唔知點解今日爆甜囉！我連半碗都食唔到呀．．．ＳＯＲＲＹ！
話哂呢道都有咁多水上屋，梗係要影下相啦！不過已經冇果Ｄ船坐喇，全部都係果Ｄ遊船，仲話２０蚊帶你遊完水上屋之後仲帶你去睇中華白海豚添！我都係慳番廿蚊把啦．．．　　食完行完之後，我地買左Ｄ魚上去２姨屋企食晚飯　～～　一日遊真係好開心呀！

我今日食既野有：

早餐：１塊麵包／半塊火退／１盒脫脂奶

午餐：１碗豆花（走糖）／１碗粟米豆腐湯／２件芋頭魚／２件炸付皮／１碗菜心／１碗白飯／１件炸豆腐／３件雞胸

晚餐：１碗白飯／１碗紫菜湯／１碟菜心／３件鵝胸／１匙魚肉