２４／０４京都＠失望ｉｎｇ～落雨（清水寺／錦市場／伏見稻荷）＠Ｎｉｇｈｔ　ＣａＴ　ｃＡｔ　之家

2008-04-24 23:29:08| 人氣593| 回應1 | 上一篇 | 下一篇

２４／０４京都＠失望ｉｎｇ～落雨（清水寺／錦市場／伏見稻荷）

推薦 0 收藏 0 轉貼0 訂閱站台

今日個心情真係由第一日升左上天堂，到今日跌左落谷底，全因今日落雨，仲幾大下添！我諗住去京都清水寺影好多相架嘛！
我同亞浩起身後去左食金龍拉麵，我就覺得唔錯喎　～～　但係亞浩話一般喎！佢鍾意食化骨棉叉燒多Ｄ喎．．．

之後我地就出發去京都喇　～～　都好鬼遠．．．坐左好耐車，之後仲轉巴士添！去到１００號好多人上，最後巴士長話２０６都岩，我地上左去喇，點知站站停，唔怪得少人坐啦！

我地係五条板站落車，之後行斜路上去，好鬼攰呀大佬！！可能真係落雨影響心情，冇之前咁期待，淨係想快Ｄ停雨。今日我終於覺得凍喇．．．仲著冷衫＋頸巾添！不過行完呢條長命斜，我除左件衫．．．

今日落雨都超多人黎，超多學生，點解日本Ｄ學生咁好，一係ＤＩＳＮＥＹ一係ＵＳＪ仲有連寺都去埋添！！我買左幾個散子包俾大陸既同事，之後就入去喇　～　入到去單手影左幾張相之後就入面參觀啦．．．

清水寺真係好型，佢係個山上面，仲要係全木起成！勁呀　～～　咁入一入去就收我３００ＹＥＮ，不過當添香油啦　～～

之後就見到地主神社係求姻緣架　～～　睇到有個人形可以消災，咁梗係試下啦　～～　呵！！勁呀　～～　寫完之後放落水會自己化開架　～～　之後我地兜左個圈就落番黎睇下有冇手信買　～～　第一樣野竟然係雪糕呀下！！亞浩果杯係北海道牛奶，我果杯就係芝麻，亞浩話同香港車仔一樣喎．．．而仲話我果杯唔好食添！我就覺得好味喇！

見到對香港人，梗係澎澎聲叫人幫個忙影張合照先啦　～～

竟然空手而回！之後又坐番巴士去番京都，我地下一站係”錦市場”呀！諗住似築地咁，有新鮮既魚生食啦！掃街　～～

大概１５分鐘既車程就到喇，之後行左都係１５分鐘左右，我地掃街第一樣野就係”燒”，買左個尢魚燒同埋銀雪魚燒，好味呀　～～　

之後就見到超平既士多啤梨呀　～～　幾鬼大盒呀！！！

行完成條街都冇魚生食既．．．最後我地行番出街！突然見到呢２日都見到街有既魚生丼，呵　～～　梗係即刻入去啦！

我選左貝＋海膽丼，亞浩就八爪魚＋三文魚子＋海膽丼，嘩　～～　見到口水都流呀！亞浩話佢果碗海膽有少少唔新鮮，我就覺得我果碗ＯＫ喎！價錢都ＯＫ架　～～　

之後行行下見到ＴＥＲＲＹ仔女既ＴＥＥ，梗係即刻影底佢啦！ＴＥＲＲＹ冇買俾你呀　～～　影左當送左喇　ＸＤ

食完又睇完之後就出發去伏見稻荷大社喇　～～　我要睇千鳥居！！

出左站之後，又要行一段路先去到，不過都好值得！！真係好靚！！首先個天氣已經冇落雨喇，不過冇太陽囉　～～

但ＯＫ！！心情都好左　～～　哈！！之後上上上就見到鳥居喇　～～　好靚呀　！！！　真係一排千鳥居隧道咁架！！

終於可以影多Ｄ相喇　～～　不過到我部相機神神地，個閃光唔識著，哂左出黎等陣變鬼影！！

我要檢舉

台長：夜貓貓

人氣(593) | 回應(1)| 推薦 (0)| 收藏 (0)| 轉寄
全站分類: 不分類 | 個人分類: 2008年大阪之旅 |
此分類下一篇:２４／０４伏見稻荷大社（清水寺／錦市場／伏見稻荷）
此分類上一篇:２３／０４　海遊館

回應(1)

Ｎｉｇｈｔ ＣａＴ ｃＡｔ 之家 多謝大家留意我的一舉一動 89愛的鼓勵 0訂閱站台

２４／０４京都＠失望ｉｎｇ～落雨（清水寺／錦市場／伏見稻荷）

Ｎｉｇｈｔ　ＣａＴ　ｃＡｔ　之家多謝大家留意我的一舉一動
89愛的鼓勵 0訂閱站台