２３／０４　築地．台場．上野．池袋　之旅　～　１＠Ｎｉｇｈｔ　ＣａＴ　ｃＡｔ　之家

2007-05-06 17:44:41| 人氣111| 回應0 | 上一篇 | 下一篇

２３／０４　築地．台場．上野．池袋　之旅　～　１

推薦 0 收藏 0 轉貼0 訂閱站台

今朝約左大家６點半出發去築地食個新鮮既壽司早餐，真係好早，但係又驚排隊排好耐又睇到人地話早ｄ去好ｄ，決定都係咁早去！

唔駛８點就去到築地喇，因為上次我同亞浩係外市場道食，今次要搵番內市場食壽司都真係雖要時間去搵，點知．．．我地去左個真係內內市場〔即係街市〕，仲車來車往添！唔知係咪我出現問題，大家開始燥喇！對唔住呢．．．真係未黎過！

之後睇書再出番去入黎果道，原來門口果道就係喇！正確既話都唔難搵囉！失禮哂．．．

之後門口有２個人排緊，咁我地就ＣＨＯＩＣＥ左呢間少人少少既壽司大和喇！隔離壽司大多人少少！

因為我聽人講，日本人唔ＬＩＫＥ要齊位先入坐，所以我決定同亞浩２個人入去先，之後佢地３個人入！又一次對唔住呢　～～～

坐底後每人叫左個ＳＥＴ，好滿既海膽壽司，好吸引呀　～～～　但係．．．得出黎既結果我唔滿意囉！有Ｄ腥味！唔開心呀！

之後仲有好多件即整既壽司，我諗我最滿意既就係呢件蝦壽司同件ＴＯＲＯ喇！即係好好味呀　～～　好Ｅ思！

食完呢餐之後，我地就同佢地分道出發喇！佢地去淺草，而我地諗住行一陣呢道睇下有冇蟹買同士多啤梨買！為聽日拎走既手信作ＳＥＡＲＣＨ！

行番去外市場呢道，唔知點解好怪，道道都未開咁！係咪我地真係太早呢，我地勁諗上年究竟幾點黎，點知．．．完全諗唔到！算　～～　繼續行！

行到去賣海鮮既鋪頭，唔見有我想買既蟹呢！不過有帶仔呀，因為隻隻有我手心咁大架！好驚人！諗住都可以買刺身番香港俾媽做手信啦！

之後再搵埋士多啤梨鋪喇，我諗今次我地係開始過季喇！冇乜士多啤梨賣．．．失望呢！最後決定．．．如果淨係為左帶子既話．．．聽日都係唔黎喇！

之後我地離開個外市場行去汐留站坐車入台場喇！我諗我地真係太早喇，人地台場全部都開１１點呀Ｄ商場！真係大鑊！失望呢　～～～

之後我地決定不如行去同彩虹橋＆自由女神像影左相先啦！都係不失為一個好提議既．．．

去到海灘，好鬼大風呀　～～　凍呢！成個海灘都係得我地２個人，行行下見到日本人既一家４口添！好在　～～

之後就開始影影影喇，影完都未夠１１點，我地就搵左海灘條橋坐陣喇！好多雀仔飛黎飛去呀！原來對面有個鳥島，俾好多雀仔住，日本人呢點真係唔錯！