２５／１２ 星期四
今朝九點幾起身同家姐出去食早餐，同媽咪鬧了一場大交，今次家姐幫我講野反駁媽咪，我覺得有ｄ意外，佢去完澳洲返黎好似成個人變好左！
２點半出發去中環碼頭接細恩，今日係聖誕節好多人都出街，搭地鐵時十分多人，但一唸到將會見到細恩就心情舒暢晒！４點鐘去到碼頭，細恩班船岩岩抵達！除左子泰佢地之外，我第一次見細恩班同學，平時聽細恩描述得多，我望佢佢望我，大家都覺得好好奇！細恩介紹左佢另左一個frd俾我識──阿Pad，呢個女仔幾斯文、幾好笑容！佢地尋晚玩左成晚通頂，但今日依然十分活躍，猶其係子泰，冇事停！成班0係碼頭傾左一陣計就各散東西，我同細恩落銅鑼灣行街，子泰佢地就去尖咀唱Ｋ！
今日聖誕節周圍都多人到死，好彩細恩今次冇上次去camp帶咁多野，只係得一個包包！個粉紅色大包包係我之前送俾細恩既生日禮物，我地兩個身上好多都係大家送既禮物，包括細恩最近送俾我既Nike鞋，但我到今朝仲仍然未買聖誕禮物俾佢！好彩細恩唔介意，決定一路行一路唸，細恩話鍾意乜就買乜！細恩十分疼錫我荷包，冇獅子開大口，最後買左一幅黑白色的懷舊眼鏡同一條黑超Ｂ頸鏈！我幾鍾意果幅眼鏡，好懷舊feel！行完街已經７點幾，我地周圍搜尋聖誕大餐食，最後揀左一間好多人排隊既日本料理食，等左成半個鐘先有得食，半個鐘期間我睇番細恩at長洲影既相，見到ｄ相就知道佢地玩得好開心，我好憎學校揀聖誕假期後Exam，玩都玩得唔盡興！
間日本料理唔係係一ｄ set dinner同小食，味道唔差！感覺上同『味千拉麵』一樣！我地點左幾款小食，最鍾意食雞軟骨同餃子！食完飯打算去睇『金雞２』，但周圍都全院滿座！於是落尖咀行海旁，好似比尋日平安夜冇咁多人！到我幫細恩揹包包，我地影左好多相！１點幾搭火車返屋企訓覺，雖然今個聖誕節只係同細恩過得半日，但分分秒秒都十分開心！
文章定位：
