２６／１２ 星期五
今日係Boxing Day，我未到２４號已經拆晒所有禮物，到左今日都只係白白地過，冇乜特別！
今日９點鐘起身出英記食早餐，１０點半約左海魚補習，佢今日帶左樽士多啤莉乾黎食，感覺似食話梅！
今日同家姐關係十分之好，一句交都冇鬧過！我覺得佢去完澳洲返黎後，個人真係唔同左！補完習之後，就同佢玩到冇事停，直至到我約左阿包出街先唔玩，最搞笑都係我同家姐扮打交，ＢＢ就不斷吠我地，好似想勸交咁，到我準備著鞋，整蠱ＢＢ話要帶佢去街，要佢搵條狗帶出黎先有得去～ＢＢ真係識聽，周圍嗅條狗帶放
0係邊，搵到條狗帶就坐定定望實我吠我！ＢＢ好叻女，精叻到死！
２點半出街陪阿包去『芭比龍』駁髮，阿包一共駁左七條頭髮，效果唔錯，整完覺得佢個樣成熟左，冇之前咁細路女！整完頭髮就去仙宗林食tea，阿Yi服待得十分周到！同阿包食tea笑話百出，但daddy催我走，媽咪明明講好話５點半先出發，等我累阿包食到趕頭趕命！
揸車去完接麻麻就出發去機場國泰城食buffet，同姑丈佢地同一時間抵達，我好鍾意去國泰城，又大又靚！電視劇『衝上雲霄』個Solar城就係at國泰城拍攝，所以去到邊都好似熟口熟面！可惜姑丈唔可以帶我去周圍參觀～臨走時見到好多空姐同機長，個個都好有型！≧▽≦
返到屋企同家姐十分好傾，我心情十分靚！我期待左呢個時刻好耐，總算實現左我其中一個願望！希望呢個場景可以持久keep住落去！
文章定位：
