２４／１２ 星期三
今日係平安夜，不過我冇失身！XDDDDDD
今朝９點鐘要返學校補Maths，我見全班都好眼訓，有ｄ仲唔知醒遲到！無無聊聊做完數就１０點半走人！１２點幾同阿包去仙宗林食lunch，之後去百視達租碟上阿包屋企睇，岩咁佢媽咪返黎，引發一場罵戰，令我頗為尷尬！同阿包去完百佳買野就去搵瑩，Kitty姨同阿康都0係到，我第一次見阿康，佢真係怕羞得要命，十分斯文！
食完飯就返我屋企執樣身，瑩要搽黑色指甲油，搞呢搞路後４點鐘終於出發，約左恆man、chiman、紅姑、巧宜、meiyan出街！瑩提議話去添馬艦冬季環球嘉年華，我地一出金鐘地鐵站，已經被美麗的風境深深地吸引住，天入黑後個view仲靚！我地準備入場時咁岩撞到Jelly走！我地首先玩洗衣機，我、瑩、meiyan同紅姑膽粗粗上左去玩，部機十分刺激！果到ｄ音樂十分強勁，我玩到十分high，完全冇驚的感覺，但瑩玩到好辛苦，佢一坐上部機就淆底，但我死都唔俾佢走！瑩玩完要休息好耐先提番起勁！冬季嘉年華掠水掠到震，玩『碰碰車』都要八個代幣，但我玩左兩樣機動遊戲都只係５５蚊，而且唔駛排隊就即刻有得玩，更比海洋公園的氣氛熱鬧好多！
影完相就落尖咀食聖誕大餐，我地去左一間類似Pub的餐廳食兒童大餐￣▽￣|||每人都有一袋禮物！上年我地去旺角元禾食都好happy！今年七個人食飯都十分happy，唔駛食飯都已經笑飽，乜都笑一餐，最笑得要命都係『半島酒樓』同『我地既仔女』，我地ｄ想像力原來係咁豐富！食完就去行利時，我一路行一路心唸住林ＹＣ，對眼不斷左望右望，希望可以親口同佢講聲『聖誕快樂』！
行完街就去倒數，十分熱鬧+多人，我地迫到差ｄ窒息，我至討厭人多擠迫的地方！我地仲撞到阿菁、阿意＆琪菌！行完海旁已經接近１點，行去紅碪條路十分艱苦，上到火車果剎那真係累得雙腳發軟，返到屋企２點幾幫媽咪鄧腳打牌，第二次同家姐ｄ frd打麻雀，只係羸左幾蚊雞，岩岩好夠錢買一杯麥旋風！
打到５點幾就散場，臨訓時打俾細恩傾左一陣電話，佢地成班人at沙灘等睇日出，不過佢地個個未見到太陽伯伯都已經變晒雪條咯！我都好想去長洲camp，但我唔滿意細恩at 平安夜去camp，上年明明講好話今年要兩日一齊過架！但我明白事理，知道細恩都係被迫的，我當然唔會介意，同細恩講左十幾廿次『唔緊要』，佢都仍然繼續say sorry，正一笨呠！XDDDDDDD
文章定位：
