２３／１２ 星期二
今日１０點幾返到上水，同媽咪去完英記食早餐就行百佳，我掃了好多精神食糧for考試溫書！係林ＹＣ教我其中一個提升記性的方法！
２點鐘約左海魚補習，期間海魚問我佢對襪個公仔似咩？我毫不猶疑就答香蕉，海魚無奈爆！原來個公仔係迪士尼入面其中一個卡通人物，我笑到肚痛！
４點半補完就同瑩帶Ｋ仔去維多尼拆線，Ｋ仔今日十分活潑，跳跳扎扎冇事停，一ｄ都唔似太監！坐的士果時又勁踩我對新鞋，個的士司機好好人冇加收我地錢！個獸醫好厲害，又搓又擰Ｋ仔條啫啫都冇俾Ｋ仔咬，如果換轉係我地咁整，Ｋ仔一定咬死我地都似！之後就行番去瑩屋企，期間我去Ｍ記買野食，Ｋ仔好受歡迎，吸引到Ｍ記個姐姐仔出黎同佢玩！Ｋ仔依然魅力汲法擋！
返到瑩屋企，我第二次見到瑩個姑姐，我同佢真係有緣！XDDDDDDD之後俾我搵到我同瑩的陳年貼紙相，睇番我地兩個以前個薯樣都覺得搞笑！臨走前，瑩遞左一袋野俾我，原來係聖誕禮物，十分開心！我咁大個女第二次收溫暖牌頸巾，瑩織得好靚～我簡直愛不釋手！仲有張聖誕卡都好鍾意，雖然我睇住佢寫～冇乜神秘感！
返到屋企就溫書，夜晚daddy媽咪去接家姐機，我同ＢＢ就留at屋企等待家姐返黎！ＢＢ見到家姐返屋企興奮到飛起，轉晒圈跳晒舞，條尾fing到甩咁滯！
夜晚１２點細恩打黎同我講聖誕快樂，已經第四年同細恩過聖誕，可惜細恩聽日要去camping field，邊有學校揀聖誕節去trip，累我今年冇得同細恩過平安夜！頂爆佢個肺！吼吼吼～
文章定位：
