２２／１２ 星期一
今朝約左架欣佢地七點半去Ｍ記食早餐，不過因為有ｄ瑣碎事而遲到半個鐘，當我去到，斤二、潘素、Fion＆Mango都已經食完早餐，但Ilin竟然仲遲到我未黎，越住得近的就越遲到！
八點半旭蒲苑唐湖閣球場集合，男班長衣著打扮十分似阿叔，我同Ilin幾乎認唔出佢，格格不入！鄭豬兜同萬子＆小忌廉帶左聖誕帽增添聖誕氣氛！林ＹＣ今日著得十分man，第一次見佢咁man，林ＹＣ今日唔俾我地叫佢做Miss，所以我地當佢係朋友，稱呼自然特別親切！搭旅遊巴去赤柱時，阿左、Ilin、斤二、黃民熹同鄭豬兜齊齊暈車浪，見到佢地個表情都覺得辛苦！但我依然鬼打咁精神，乜都笑一餐！
去到赤柱已經差唔多１０點，解散後我地７個＆林ＹＣ四處行，去完美麗樓就決定去參觀墳場，途中經過一間著名惠康，入面裝修尚算雅觀！林ＹＣ主動請我地食野，Mainpoint就係佢自己都想食！
大約行左２０分鐘就行到墳場，環境寧靜，我地見到其中一個墓碑屬於一個只係得３歲的小童，真可憐！但唔明一個３歲的小孩點解會叫做烈士？？果到個個死者都係為自由而壯烈犧牲，當中唔少得愛到難捨難離的婦人！
之後就行番出去赤柱市集，我收穫十分豐富，買左兩年衫仔俾ＢＢ同一ｄ得意玩具俾自己！行到累就去赤柱廣場Ｍ記休息，一路食一路傾計，坐到兩點三就回程到集合地點，不過有大半班人遲到，肥仔同顏澤泳最遲的，佢地以為集合地點係赤柱廣場，難怪佢地死蠢！
３點幾返到中環解散，我地１４個人＆林ＹＣ一齊落尖咀新港打機，林ＹＣ十分傻，連續兩次入錯地鐵！我第一次去新港打機，應該話係極少去打機，嘉晉推薦我地玩踩單車game，不過踩完後真係人都癲，對腳軟晒！林ＹＣ有事要早走，我地繼續逗留玩樂！
打到６點幾走人，由新港行去紅碪火車站十分吃力！去到月台又撞番章魚同八婆，章魚著粉紅色衫十分搶眼，成日都嚇我，大蝦細俾屎餵！！
７點幾番到屋企，同ＢＢ換左件新衫仔，係一件有帽有尾巴既老虎衫！之後又要即刻趕出去細恩屋企食飯，今日細恩daddy返左黎，所以好熱鬧！Uncle同Antie好幽默，夫唱婦和，一人一句，笑到我同細恩流晒眼淚！Uncle送左一部即影即有相機俾細恩作聖誕禮物，我地即席影左好多自拍相！今餐飯細恩同Auntie合作煮左５餸１湯，個咖哩椰汁雞十分美味！飯後更有細恩至拿手的紫米露糖水，飽到上心口！同細恩洗完ｄ碗後，沖完涼就開台打牌，最記得其中一鋪係細恩出統十三么俾我，激到細恩扎扎跳，我已經連番暗示佢唔好打一筒，名副其實係笨呠！XDDDDDDDD
打到１２點幾，沖完涼同同細恩畫番之前影既自拍相，周圍貼佈滿成間屋，佈置完埋棵聖誕樹＆聖誕裝飾後我已經筋疲力盡～同細恩即刻入房大覺訓！今日at赤柱買的暖貼終可大派用場！
文章定位：
