南之私心事 很久沒有打日記了,各位賞面不妨看看呢!

38愛的鼓勵 0訂閱站台

母校將於今年後就結束啦...
所以今日都要返一返去...
除咗阿中想我幫佢影多d相之外..
我都想返去既..^-^....

今朝出左金鐘等阿yen..
(真係好多謝佢~佢特登唔去招聘會都要陪我返學校..謝謝!)
點九終於同佢一齊上左嫁返學校既van仔..
感覺真係好似返學咁...好耐都無搭啦..

經過途中..一草一木都無乜改變..
感覺好開心..有d興奮tim..

四個字車程後..終於返到學校..
感覺...係好親切...好耐無返過學校..
好多年無入過去..七年喇起碼..

同阿yen上左去ground floor...
果個返到母校既感覺..乜都湧現晒出黎..
見到好多師弟師妹..個個其貌不揚..死未..

之後沿樓梯行上一樓..
逐層行下行下..真係無咩fd返去..
(佢地成班人真係無講大話呀吓..-_-)
行下行下..居然撞到阿關!!
佢仲比佢個仔仔張相比我睇..
超肥超得意呀!!!哈哈~~~~~~
但係佢一講到佢老婆就...

之後我同阿yen行返去以前既課室..
明白了”景物依舊..人面全非”...

行下行下..見到好多校友..
有d仲抱住d仔女..仲見到5A..5B既人..
但係我果班5D..真係一個人都唔見..=_=

係咪覺得我無提過D阿sir呀..miss咁..
因為教過我果d..都無返..=_=”..
阿關仲話..”你果班d先生都無個返..
都最後一日啦..返一返黎都得掛..”..

我都覺得.....

之後影下影下相..阿yen又幫我影下..
我仲要問阿關..”禮堂係咪喺一樓..”..
佢話係..^^”

我落到去..就諗返起個鄧詩琪啦..

入左去禮堂..以前排隊就係呢度..
而家好多人喺度睇一套影片..
但睇黎睇去都唔知講乜...=_=

之後再行上行落..
大約三點鐘就離開學校...
仲有一次機會可以返去...
7月14日學校有個結學彌撒..
應該唔會再返啦...

臨走前..去睇下阿中以前寫過喺球場既字..
結果係已經比人油左..^^”

讀咗五年既聖瑪加利書院...再見..


好勒..講完學校之後...
同阿yen搭車去左赤柱..
雖然熱到傻左..但係都好開心丫!!!!

之後出左銅鑼灣..
行左陣時代..行左陣無印..
行左陣唔知咩商場..
再去188..之後去灣仔食飯~~
流汗多過乜..哈哈..坐低時已經好攰啦..
但係仲係好開心喎..

之後阿yen去旺角會合佢既朋友同佢男友..
我都返屋企啦...好開心既一日..
感覺唔捨得間學校..
以前唔想返去..而家返去既感覺..
有d悲傷tim~~

ps~係咪發覺咁耐都無一張係影阿yen..
佢唔比我影喎..^^”~~~哈哈..
多謝佢大熱天時陪我周圍走~

各位記得click入去我個相簿呀...
喺左手面..”我的母校”果度~~
我花左好多時間整架..^^

今日家姐拎左個數碼相機..
我用手提影都唔錯喎~haha