24h購物| | PChome| 登入
2004-07-21 12:44:19| 人氣170| 回應0 | 上一篇 | 下一篇

十面埋伏

推薦 0 收藏 0 轉貼0 訂閱站台

十面埋伏

好多人話《十面埋伏》唔好睇，結局不知所謂。可能開正我個範！我就覺得《十》好好睇！打得好！鏡頭好！飛刀好！特技好！場景好！演員好！只係結局剪得唔係幾好！

上年，未睇過任何片頭之前，聽到有一部改篇同名小說的電影叫做《十面埋伏》時。已經愛上左呢一部戲！大家試想想十面埋伏四個字... 如何有效地將事件既情況表達！我地學透視學時，知到空間有上下左右前後共六面，那有十面？「十面」已經超過所有的空間... 再看「埋伏」二字，隱藏著而預先有計畫的圈套或陷阱稱之為「埋伏」。《十面埋伏》四個字就講晒成套戲個情況！想請問有無一句英文可以講到咁到肉？

今次玩觀能刺激，姿勢有型有款，動作華麗又，場影靚到比得上《魔戒》(除左第一場好有無線廠境feel之外)。再講，片內主角經常使用飛刀，飛刀本是暗器，作後備之用，是一種用得好型既古代兵器，重點是使用飛刀者絕不能失手；由於距離短，兵器小，被敵人反擊時可是無扺擋之力可言，換言之，飛刀必須一擊必殺，中刀者非死即重傷！是必殺技！回想一下《國產凌凌漆》中凌凌漆都有使飛力：「用刀最高境界時係用道"氣"，塵世間係無野斬唔斷既，唔信我囉把餐刀黎試你睇...」《十》中高手個個以氣御刀，把力唔單止識好似回力標咁轉彎，仲可以囉黎劈竹。誇張有咩所謂？好睇就得啦！蝙蝠俠由天台跳落地唔死你又信？何況中國武術博大精深，你點知真係無人做到。

至於結局章子怡死極都死唔去同埋無啦啦落大雪... 你就當我因為鐘意套戲所以幫佢搵藉口... 第一滴血一二三集入面史泰龍又中熗又中彈結果死極都死唔去又無人出聲？何況刀插心臟而未拔出時，遇到大雪令血液流動變慢，不至流血至死也勉強合理，問題只係係咪真係捱到咁耐。至於落大雪，當然是意境問題...加上古語有云，含冤枉死必有六月飛霜。可能導演認為章子怡本來不應該死，所以送以一場大雪作暗喻吧...... 何況... 如果唔落雪，章子怡最後救金城武個一刀邊有撞埋樹到震落晒D雪咁有型？

21.07.2004
白羊

我要檢舉
台長： 尚未設定
人氣(170) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文