港燦七DAY日本東京渡假feel之自悠行(2)＠我愛大自然

2004-05-29 01:06:19| 人氣70| 回應0 | 上一篇 | 下一篇

港燦七DAY日本東京渡假feel之自悠行(2)

推薦 0 收藏 0 轉貼0 訂閱站台

第二DAY:
仙豬菇狗竇 > 伊茄不菇羅陽光之城 > 仙拜也吃沙布沙布 > 仙豬菇狗竇

今日本來係去台場, 不過落dog shit既關係, 仲要打埋風添, 好彩唔係打中,

如果唔係就慘喇, 今日一早(其實都唔早) 去左伊茄不菇羅陽光之城食餃子,

好好味架, 但係都幾貴, 食左蕃龍燒餃子, 海老餃子同埋餃子飯糰, 真係好好味呢,

諗起都想食(所以我宜家食緊件長崎蜜蜂蛋糕補番數, 呵呵) 仲有豬屎蛋糕城同雪糕城,

不過無食到, 個度超多幼稚園細路, 佢地D制服都靚D, 帶晒帽咁,

之後去左出面商場買左100g糖, D糖都幾靚, 離開左陽光之城後就去左隔離東急手,

不過都係無咩行, 再之後去左間賣漫畫野既舖頭, 有幾層的, 幾好行架,

好多精品賣, 行番出去見到有隻拳頭咁大既燒八爪魚丸, 真係好大架,

入面有好多野架, 有隻鵪鶉蛋比我食左, 我地坐晌sega打機個度食, 點知比個度D人話,

所以就出番去lu....不過日本打機真係貴, 同香港D機都係一樣, 不過要成一二百yen,

好呃錢wor, 夾公仔又係, 七蚊一次, 不過D公仔又大又靚, 呵呵......

之後又搭新手線去仙拜也啦, 又係落雨, 不過無減輕我地買野既興致, 去左一間文具舖,

D野都幾靚, 又唔係好貴, 所以入左D貨, 買左兩支新奇又好玩既鉛芯筆,

行到累去左吃沙布沙布, 好好味架, D牛肉薄到可以透光, 馬馬想食金菇,

拎左本日文書比侍應哥哥睇就即刻拎比我地喇, 不過開頭唔知可以揀其他湯底,

所以都係only清湯, 無咁熱氣呀嘛, 出到去咩都差唔多收晒, 諗住去行100 yen shop,點知行錯路,

所以要番轉頭行lu, 沿途有好多酒店, 好似九龍塘個D, 不過唔知係咪附近開party,

見到有好多cosplay人晌條街, 好多妹妹仔, 番出去之後去左間賣咩都有既舖頭,

無咩睇所以就番去訓lu,今日行左兩個地方都已經好累了, 仙拜也個大電視真係好勁, 仲有條街唔知點解成日咁鬼多人.......

我要檢舉

台長： iceskin

人氣(70) | 回應(0)| 推薦 (0)| 收藏 (0)| 轉寄
全站分類: 圖文創作(詩詞、散文、小說、懷舊、插畫)

回應(0)