今天,6月11日,是last day,連日來都帶著相機,吃著farewell 餐。因為離開,發現竟然可以和一些陌生的同事們混熟起來。Louise啦,仲有ivan…….
6月8日,email team A 同我farewell,有譚同學,vangol,louise同埋kenneth & lau siu wai,食左pizza hut,雖然louise 同kenneth都匆匆離席,但總算和他們進過餐吧,是第一次也是最後一次。這次飯局更是louise提議的,話題開始多因為我就嚟走,佢補粧時間,我地傾多左。至於fungkfai Kenneth,係由我地開始0係roaster上互補不足開始,有次佢打俾我調假,之後,我地就多左野講。另外,因為佢都算係一個靚仔,我有bias,如果佢有野要我幫手,我都會順氣地效勞。Vangol,有次同過佢同erica食lunch,發現佢地係傻既,同埋都係好叻。直至佢有一次幫手覆email坐我隔離,我力數gilbert不是,之後,我地多左野講。
同日的晚上,ivan邀我與dennis A, & monica 一齊去上海369晚膳。前兩者都會在我離開後離開。坦言我思索了許久才決定去,我不喜歡monica,我這個人愛恨分明。席間我們不知怎地可以有好多話題,dennis A d 爛 gag 笑死左我同ivan,而ivan這個人都好talkative,佢既幽默不下於patrick…….有點想不到我同ivan竟然係相逢恨晚。
今日dennis A 問我又話好唔想去個飯局,結果都好開心丫…….我話,經過0個晚,我發現放低成見其實天下可以好太平。如果我連呢小小野都suffer唔倒,我諗第時遇到既野我會更不堪一擊。我覺得有時個天都厚待我,花無百日紅,我唔會咁好彩永遠遇到好同事,呢個世界始終有壞人,點都好,走出個井,我會見識更多。
6月10日,email team B farewell@譚魚頭。有黃承霖,claire, dennis A,rate,芳芳,仲有april。黃承霖話除左我,冇人會叫佢中文全名,其實佢係我既senior,不過我地已經唔會計較職位高低,佢係由我0係TW返嚟開始多左野講,講TW講hotel industry,講光良講搵工講雲南我地都英雄所見,我地約好左11月去探沈小B,好緊張呀,不過既然claire而家住我附近,我諗見佢地都唔難既…….況且而家仲同芳芳一齊學spanish 嘛。芳芳係由我入左team B開始熟,其實0個時我同kimmy應該熟d,我地3個都係講搵工,之後kimmy走左,芳芳又調左去TA,我一直都覺得係一個遺憾,我地一個鐵三角arm arm先掘起,點知一個又一個離我而去,anyway我都想芳芳快d走,始終0係呢度佢係大材小用……..
6月11日,last day,同熟落同事farewell,farewell我,劉芷敏同dennis A@合和怡苑。有Sharon,kate, 莫憲婷,macy,carlina,connie c共9人。我不會忘記與connie c 去澳門的那兩天,她總是在別人走在前面時回頭望我,然後,我們步伐一致的走在柏油路上。我知大家都知我走路慢,謝您們對我一直的遷就,您們的調較成就了我們的友誼,也照出地上並肩的影子。
還記得與婷婷到長洲的一夜。打從菲律賓會那次BBQ我就知她好人。她亦是我放工on the way和帶飯的好夥伴,她,也幫我洗過無數次的飯盒。
懷念與macy大大聲嗌交的日子,我們從donald duck 開始。記得我今天問她記不記得我們也曾經鬧翻過,她遺忘了,那時劉芷敏已去了英國,我記得我也有在長途電話中告訴她這件事,後來我sms了 macy說出心底話……..之後我知道我是如斯珍視這個朋友。
劉芷敏,我經常都想,我們是有緣無份那種。既然衪安排我們坐在一起,我們應該早在10月已經成為朋友。難得我們志同道合,有說不盡的話。有時我會羨妒她與macy這麼友好,我相信她們已是交心,甚至已經說到過去的情史。我在旁聽不懂,也不會問。您們不說.我不會問,這是做朋友基本的體諒。
Kate,一高一矮似乎已成了我交朋友的icon。就像樂隊bliss。我們始於王菲的歌,到文學修養作品賞析,以至談到將來。我喜歡和她吟詩作對,儘管是虎頭蛇尾,論意境論雅興論無聊就只有她是對手。還有,我總是樂於為她買多多曲奇,我喜歡她咧嘴笑,她扁嘴時我也會扁嘴。有時她也會嗚嗚嗚扮可憐,這樣,我就會笑。
文章定位：
