冰點 這裡開始被人遺忘,我知道讀者不多於五個。對於新相識的人我不敢透露這網址,我害怕給近乎陌生的人窺視我的世界。

105愛的鼓勵 0訂閱站台

25/1/09 年三十/ 26/1/09 年初一

 

同公司幾個同事開party,食團年飯,---pizza hut,我作東呀,算啦一年一次,又唔係話好貴,都ok啦。大家開心姐。不過睇嚟我慢慢開始可以俾佢地有上司既感覺喇。而對老細,我選擇左敢言,唉,革命成功都可能係佢地對我改觀原因之一,我唔可以再咁鵪鶉。

 

有一日食dinner,同佃佃一齊吹水,我邊食佢就邊講,講下大家夾0左係中間既苦處,又講下佢d心事。我地共處一室呀!唔知係咪俾人發現左,我地又傳緋聞喇,我唔想呀,因為我驚佢會避忌之後唔同我玩。不過呢d流言,傳傳下就冇,希望唔會係講左一百次就俾人當係事實啦。

 

其實我鐘意同佢玩,除左佢係一個淫賊,佢仲有d陳豪既影子………..

 

 

夜晚,放8點,rush去奧海睇brad pitt-----奇幻逆緣。好好睇!過左一日都仲繞繫住,唔係因為brad pitt,而係因為個劇情。好多野係注定,壓根兒就係事實,說穿了,又何需電影提醒我們﹖

 

之後去左唱overnight k,陳珮琦 patch & fanny。Patch最偉大,之後仲要匆匆趕往中港城,又冇咩點訓過。唱左10幾年k,竟然琴晚走音!敗筆係<流淚眼望流淚眼>!平時唱到尾聲,最多把聲拆d,冇咁楊千嬅,高音點都上到……唉,唔通真係老左﹖由12點唱到7點,用黎明既<夏日傾情><我的親愛>同<傻痴痴到>作結。返到屋企,同兩老好求其咁拜左個年,連自己都求其到接受唔到,就去左訓覺。喂!1點要起身同dear uncle飲茶呀!

 

0個班pk 親戚嚟左,我竟然同佢地個女玩!算!小朋友係無辜既!

 

****好唔開心,個頭no more curly!又冇時間搵表哥算帳…..

 

開始諗緊5日返老家做咩好,除左好凍,污糟,早起身…..我想睇書,睇dvd.,relax,打羽毛球,look ling,massage………仲有玩bb.