初次約會篇
引個女仔笑冇錯係相當重要, 好多人都知, 但係其實有好多人過左火位都唔知. 記住過濫既話反而會直接令你失敗. 好多人都知幽默既男仔會吸引到女仔, 但係太多既話會令對方同你過份friendly(甚至當左你係小丑friend, 頃唔到心事), 萬一佢習慣左呢個你, 你表白時佢可能會一時間接受唔到同你拍拖, 你要再花大量時間改變形象, 即係話, 你想速攻既話最好唔好同佢太孰.
重點: 所有野都係相輔相成, 你同佢越玩得癲, 你既形象就越唔成熟, 唔好比你既幽默(或者同佢玩到好癲)覆蓋左你既成熟/細心/體貼.
上面既問題引申到另一常問問題: 係咪唔應該比個女仔知道我想溝佢?
答: NO, 睇情況啦.
幾時唔應該比佢知:
1)當佢比較怕羞或者比人追既經驗唔多.
2)當你唔想速攻, 想慢慢黎.
幾時應該比佢知:
1) 當佢係一個比人追慣既女仔, 記住, 有自信既男人往往會散發住特別既吸引力, 擺明車馬追的話佢會對你令眼相看.
2) 你想速攻
ps. 擺明車馬追比較有效, 反正有質素既女仔都係比人追慣, 唔會嚇親. (冇錯, 有自信d, 揀高質素既女仔, 信我啦, 唔會難好多, 你自問有質素同埋夠大膽既話追索女分分鐘易過追普通質素果d).
至於讓女仔先行/上車/落車果part都有少少補充, 因為其實個重點我都未講, 就係當你企埋隔離讓佢行先既時候, 你要用手撘一撘佢既膊頭或者纖腰, 唔係叫你抽水, 只係適量既身體接觸可以大大大大大錦拉近你地既距離, 而o係呢個時候出手係最自然的, 佢不單止唔會覺得你抽水, 仲反而會覺得你有風度架.
唔洗問個個都知要送女仔番屋企啦, 顯示風度麻, 岩丫.
不過對我黎講顯示風度只係次要, 知道佢既exact地址先係重點. 因為個人黎講我有幾招都係要知道佢住邊先用到.
女仔都鍾意驚喜, 亦對預料之內既野感到沒趣, 你話喇, 行街睇戲食飯送番屋企, 係咪老土? 但係衰在呢d係一定要做既野, 好矛盾.
其實搞少少變數個女仔已經唔會覺得老土, 而呢d野o係送番屋企既過程度做是最好的, 因為個個都知啦, 人既記憶就係越近既野越記得, 所以行街睇戲食飯即管老土, 送番屋企時先搞小動作. 例如, 途中無端端帶佢去一d有特色既地方食宵夜. 又例如途中打個電話, 跟住話有friend約送佢唔到, 隔一陣再突然出現話比人放飛(當然你要知道佢既路線). 總之呢度要發揮創意啦.
你會有一個成日遇到既問題: 個女仔話唔洗送. 點算?
答你:
1) 勁爽快地話: “錦好啦, 你自己小心啦, 拜拜”. 重點係跟住要問佢大約會幾時番到屋企同埋叫佢番到屋企打個電話比你. 如果你之前揀左擺明車馬追既話, 我建議你錦做, 佢一定會不斷稔點解佢想追我都唔堅持送我. 要個女仔稔住我地係我地既目標之一. 總之要令自己o係佢地個腦入面出現. 錦而家如果佢不斷稔點解佢想追我都唔堅持送我, 咪幾好, 就算佢冇錦稔, 起馬佢會稔住”番到屋企要打比佢”麻, 記住記住, 佢真係有打比你既話就代表你既地位已經高左, 但係相反佢冇打既話, 你就還需一百個努力喇, 因為佢根本冇放你o係心入面.
2) 堅持, 問多一兩次, 因為”女仔口不對心”真係100%真架, 但係記住, 最多問多兩次, 唔係佢就會覺得你”猴琴”. 問既時候都有野要注意窩, 一定要表達到你想送佢只係因為你擔心佢既安全. 例如: 佢say no之後, 你話:”但係你果頭有d靜, 我冇可能唔送你.”. 如果佢住銅鑼灣就你黑仔啦
發力篇
如果first date唔太差, 就係時候發力喇. Tips 如下:
-要佢養成同你講電話既習慣, 我地叫呢樣野做”訓練佢”
-訓練佢同你講心事, 呢樣野既重點係你要表現成孰, 用認真既態度同語氣先講自己既心事, 冇既話可以作(唔係講笑). 之所以我話搞笑唔可以過火, 你定左型既話佢就永遠當你係小丑, 唔會對你打開心窗.
-學魔術, 真係架, 十個女仔有九個都被魔術迷住, 呢度既重點係: 唔好刻意, 點為之刻意? 你無端端帶副啤牌出黎玩比佢睇咪刻意囉, 你可以帶佢落Pub飲野, 再問人借副啤牌玩, 如果間Pub冇啤牌, 你咪去Seven仔買囉, o係呢個環境之下唔會覺得刻意的. 仲有, 佢地一定會死問點解點解, 千萬唔好教佢呀. 仲有, 如果果個魔術你冇100%成功既信心, 唔好玩, 衰左好大穫,
-佢病左既話, 你就肥仔喇, 獻殷勤啦. 多d慰問電話, 不過唔好做得太cheap.
記住, 失戀中/病緊既女仔個心會中門大開, 好易就比你入到去(我稔係人都知 ).
最後, 如果你既目標係高質素既女仔, 有一個好百搭既策略:
“以退為進”
文章定位：
