亞力See誌 一人分飾兩角

42愛的鼓勵 2訂閱站台

經過了一連四日的適應班，阿女應該仲未適應到幼稚園生活。而今日就比我地發現箇中原因。其實都唔係新鮮事，阿女只係好想可以同我地一齊。事緣今日係幼稚園家長日，我地先送阿女番托兒所。我好天真以為番佢鍾意既地方。點知佢番到班房門口又係喊。仲喊得好大聲。咁即係番邊度都一樣唔開心。唔開心係因為冇得跟住爸爸媽媽。再去到家長日，問到老師四日既適應班情況。老師讚佢有進步既。由第一日間中喊下，第二三日喊一陣，到第四日好快就收聲。仲慢慢投入活動。睇卡通比老師知道佢識晒啲迪士尼人物名，睇到shakeshake薯條廣告仲一齊跳舞。似乎唔開心係想起冇左爸媽既時候當刻既心情。

都係心痛既，個女咁想要我地但我地實在陪唔到一齊上堂。但至少知道唔駛擔心，其實佢都慢慢大個可以番學開心玩。