24h購物| | PChome| 登入
2004-05-10 22:21:00| 人氣39| 回應0 | 上一篇 | 下一篇

五月九日*電影日

推薦 0 收藏 0 轉貼0 訂閱站台

今日終於有得睇戲喇，好耐都未去戲院睇過戲喇‥‥‥終於唔駛等d戲出vcd喇，十二點幾就去到凱都，點解中午場唔會平d架‥‥今日嘅生活幾充實架真係，睇完戲就去番工，十二點八，入場睇江湖，套戲都唔錯丫，呀左手哥其實都幾慘下囉我覺得。但係響差唔多臨尾果陣突然間聽到隔離有班人即場將佢地對呢套戲嘅感受同埋覺得呢套戲有咩不足之處嘅意見毫無保留咁表達出黎，我都聽得幾清楚下架‥‥佢地肯將佢地自己寶貴嘅意見感受同身邊嘅朋友與及在場嘅觀眾分享固之然係好啦，但係唔該下次可唔可以等部戲完左先呢唔該，又或者可以細聲少少都ok架我，我想完整咁睇埋部戲先聽你地嘅討論囉唔該。睇完江湖之後，兩點八繼續我地嘅活動，呢場多左rice加入，一行四人準時入場，一坐低就開始播預告片，之後，Van Helsing正式播放，部戲d特技都保持到拍The Mummy嘅水準喎，Dracula變左身之後個樣有d‥‥，Van Helsing嘅身份原來‥‥，總括黎講套戲係好睇囉我覺得，但係最後個結局‥‥。睇完都已經四點七喇，又要過去搭五點果班車喇，今日第一日正式番馬會，都唔算好多野做，但係有時聽唔清楚d人客嘅戶口號碼或者密碼係咩囉，要問多次‥‥，d時間都過得幾快下架都，做下野，傾下偈，又去下廁所~哈哈~加上尋日中間又有一個鐘到要train埋歐洲國家杯果幾種新加嘅投注種類，所以都幾輕鬆下，開頭啱啱開始幫人落飛果陣，都幾緊張‥‥話曬之前都係淨係聽住部電腦講嘛，不過過左一陣都冇咩野喇，因為隔離左右有d做左都幾耐下嘅響度，所以有咩唔明都可以問~原來放工果下有幾架旅遊巴會兜去唔同地方，其中有架去市中心，太好喇，咁就可以快d番到屋企丫嘛，加上馬會有$60蚊嘅津貼，d人話之前得$30架炸，5月開始先加多$30架，哈哈~一黎津貼就加左，你話幾咁好呢真係^^，兩點幾先番到屋企，沖完涼都成3點，但係仲未訓得住‥‥仲要溫excel‥‥‥聽日要test嘛‥‥‥鬼叫尋日咁得閒自己都唔睇咩‥‥‥+.+，哎呀‥‥我幾時先會勤奮d，唔駛次次都d野都搞到咁遲先做架‥‥‥乜我真係咁懶架咩‥‥=.=幾時先會改下架‥‥

我要檢舉
台長： Captian Jack Sparrow
人氣(39) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文