晨早起身（其實都不過十點起身啫～～）走去見工，冇錯，我係去見工，見Baristas，簡單Ｄ講即係沖咖啡，其實之前見過幾份類似既工，不過因為經驗問題見唔成，咁又係既，話晒沖咖啡唔只係咖啡粉溝水咁簡單，點會話做就做吖！所以今次我真係諗住純粹見工，預咗唔成，一Ｄ都唔緊張！尤其當我知係女人in既時候，更加打定輸算，因為女人既準則最難捉摸．我諗住求其in完就算，所以同個女人天花龍鳳咁吹咗一輪，雖然我平時見工吹開，不過今次預咗唔掂，當然係加多兩錢，佢問我對咖啡有咩認識，我咪張平時睇埋睇埋既照背一次law，問我識唔識煮咖啡，我答識，不過係唔識用加壓器law，其實咪即唔識，但佢又好滿意咁點點頭喎！！吹完一大輪，佢同我講，葉小姐，雖然你經驗上係輸小小，但我地公司會有三個月培訓俾返員工，應該可以彌補你既不足，遲Ｄ我地會通知返你上堂時間ga la！咁即係點！？？女人既準則果然難捉摸，俾我遇著佢，都唔知係我唔好彩定佢唔好彩！！淨培訓都三個月… hehe…
返咗屋企後突然興起整野食，所以學人整洋蔥圈，當然我就覺得幾好味（呢個當然！！）但我細妹就話我再整埋Ｄ奇怪野食就同我死過喎！！（家陣Ｄ後生真係唔好老脾！！）仲同我媽講話唔俾我入廚房！！hahaaaaa~~亞媽，唔係我唔肯學呀，係冇人識欣賞咋！！
仲有！今日無la la俾人問候，佢仲要係圖書館都忍唔住問候我，真係服鬼佢，家陣Ｄ亞伯脾氣越唻越暴躁，好心就輕鬆下la，咁好易爆血管ga，你話係咪呀，尹同學！！?
文章定位：
