橙色的天 still

47愛的鼓勵 0訂閱站台

尋日去左海下，不過陰天，d珊瑚唔夠靚，但係都ok呀~~

約10點半，由於唔熟老爺...唔敢遲到呀~~haha...點知原來佢都遲到...仲有win兒，win兒今次唔係遲好多，good!! 係西貢入海下都要成9個字懷疑...因為車費要10蚊wor，貴過choi hung入西貢。坐到呆滯...出發之前去左百佳，竟然有6支裝紅酒，好想買...哈哈。不過我唔鍾意飲紅酒ga...champagne，i love champagne!!!

第一個地點係石地碼頭，大家都話唔要，又行返出去轉去沙灘。一堆人放緊狗....我最憎沙灘有狗...我唔想游狗尿囉...仲要係我最唔鐘意既短腳狗...好核突呀.... 如果係金毛or雪橇就好d囉。

落水好凍...fanny帶左年宵calbee potato chips同喜力啤酒樽吹氣... 但係calbee太漲喇...拎唔到既.. 最後fanny拉住ivy水泡出發。edward就要拎住calbee，好可憐.. 老爺仲慘...留係沙灘看袋... 我就攬住喜力啤酒樽出發，win兒自己有個水泡。4粒好努力咁游，點知出到浮ball都未有野睇。跟住d人話過左碼頭先有.....waaaaaa，點游呀~~~ 都要游啦...游左唔知幾耐，又真係有d野睇wor。

第一次浮潛，幾好玩呀~~ 影左幅帶googles既相，睇下fanny幾時send返比我，呢篇diary唯有用住自己d相先啦...
返去之後，老爺佢地租左隻艇，我同fanny同老爺去左第一轉，正呀~~勁快到珊瑚區。返黎又到ivy/win兒/edward出去。返黎既時候...我地係岸到見到佢地隻艇好耐ga la，不過唔知點解成日轉黎轉去都行唔到直線... 再近d既時侯....終於知道點解喇... 因為佢地調轉左船頭船尾方向，超搞笑....

食完野再出多左次... 返黎既時候潮退.... 見到好多海嵾...勁似屎... 再近d有海膽，浮ball範圍內有好多海星~~ 成地都係，不過見唔到大海星..得d勁細粒，但係都好開心，好得意呀

老爺同edward出最後個轉，返黎既時候唔駛撐咁濟...浮ball水位係腰下面...好搞笑...但係佢地都堅持撐入黎...最後成5點先走..玩左成日~~tired呀...

終於去左ivy講個間thai restaurant到食飯，好味過巷仔。最好味係青口同泰式炒河。好怪囉，佢叫我地講number，但係menu冇馬拉盞炒雜菜，佢好似唔識落單咁，我地唯有轉炒芥蘭，但係唔係時候食，所以一般，巷仔既馬拉盞炒雜菜係幾好食ga.... 下次一定要係度食到馬拉盞炒雜菜係!!!因為之後我地叫左個餐牌冇既野又叫到... 可惡....


p.s...有個迷...懷疑要開個file俾yeehing wong同adam鄭．．．潮退之後當然d水係會返返黎啦，但係迎浮ball到有一個位好似有個泉位不停咁湧d水上黎，彷彿有水怪一樣....太古怪喇..我地4個迷女郎都唔知點解呀...