Jan 13, 2005
呢篇又打返中文，其實冇乜點解，純粹玩野。
今日一起身就出左City買機票。經過尋晚既資料搜集後，終於得知何謂E-ticket。
原來機票o個d紙成本好貴，所以E-ticket就出現左，只係普通一張printer紙。
諗住去富麗宮入面兩間其中一間，因為另一間尋日有人問緊，所以之後冇入去。今日見有staff得閒咁就入左去問。
開頭佢話Qantas連稅$1010，咁我見最平就幫襯佢。要一個鐘先得，所以就周圍hea下。
o係China Town行左陣，本來o個d賣souvenirs既舖頭我一間都冇入過去，不過睇完碟見有時間就入去睇下。見到有套杯墊勁靚，黑色底中間銀色，但係就花左，咁就開晒咁多套黎檢查。本來係有分set唔同款，不過我好卑鄙咁揀晒d冇花既，反正d saleswomen冇理我。
之後又買左兩個磁石，都係好娘o個d Harbour Bridge同Opera House，不過娘得黎又幾靚。
之後就見到Market City隔離有個賣手信既market，就入左去睇下，因為之前都冇留意到有個咁既野。
唔知做乜勁多人．．．竟然係英文人多。又見到套黑色o個套杯墊，今次仲有圓形添！不過忍左手冇買，因為屋企已經有好多，而且一套有六個，廢事真係癲左。
不過之後又見到d好靚既杯墊，咁又買左四個．．．最白痴係買左先知原來係行李牌．．．勁柒．．．
行行下發覺已經四點幾，咁就上返去。
點知條友話Qantas冇o個個價，要貴多一百蚊，Cathay就多廿蚊。因為我唔記得帶電話，所以佢之前通知唔到我。咁最後唯有轉Cathay，反正黎澳洲搭親都係Qantas，今次我應該唔會拎好多野，所以冇40kg都okay。
詳情如下：
Sydney - HK : Feb 03
0850 1500
HK - Sydney : Feb 21
0900 2110
而家先知訂o個陣可以揀埋位，次次都係check-in o個陣個地勤揀，所以都冇留意邊d位好，咁就求其咁揀。
但因為o個陣差唔多五點，所以即日"手羅"唔到，我又冇fax機，唯有寄俾我。
過黎之前諗住要今年年尾先有得返香港，點知而家半年返一次．．．今次係最後一次放肆，返到黎一定要即刻攪working visa同搵工！！
今次係最後一次咁講，因為再冇藉口！！
文章定位：
