Dec 15, 16, 2004
前晚十二點左右阿烽想睇碟，最後揀左我極力推介既死神來了。
因為我冇翻睇過，所以都唔係好記得，有d場面都嚇親．．．
結局超正！！
尋晚Icarus icq話有野想傾下，咁就打左過去。
上左degree壓力大左好多；好俾心機做出黎既野俾人彈到一文不值；d組員又不知所謂；返學又要返工．．．呢d野我都理解。老套d講，當係經驗同磨練law~~
好多時好多野你覺得係咁，但係人地唔係咁睇。你覺得自己盡晒力，但o係人地眼中可能仲未夠；你覺得組員唔識諗，可能佢地都係咁睇你。
好多野就係咁。失望可能都係好事，因為你盡過力先會失望。失望，原來仲有令你值得期待既事。
我唔識講野，不過起碼你有機會"呻"，希望你會舒服d。就算只係少少都好，起碼我呢個朋友隔到咁遠都仲叫做function到。
呢個時候有屋企人o係身邊，係一種幸福。
今朝一早俾阿烽叫醒左，原來突然冇電！！但因為勁眼訓，所以都唔係好聽到佢之後講既野就又訓返．．．
點零鐘起身o個陣已經有返電，好彩個雪櫃都冇乜野。
唔知係咪因為之前唔記得左交electricity deposit，所以俾Energy Australia cut左電．．．阿烽打去問，佢地話冇cut到．．．最後同阿Luk講先攪返掂。
之前唔記得左交錢，收到張warning，但我地都o係warning上既deadline前交左。好明顯係佢地冇check清楚就cut電，事後發覺原來攪錯左，就扮冇cut到．．．
超離譜．．．
今晚睇左Panic Room，都係冇翻睇過既正戲。
David Fincher真係超勁，全套戲只係o係間屋入面，冇外景，但係一d都唔悶，仲好緊張！！
愛死David Fincher！！
間屋有間咁既密室，會係咩feel呢？
文章定位：
