Nov 27, 2004
Winson同Queenie因為返香港，所以今日就搬野過黎擺o係車房。
佢地第一次黎，循例都要參觀下。因為妍妍同我都有潔癖既關係，佢地都好驚訝間屋既乾淨程度。而阿烽就係麻鬼煩既人，咩多要執到靚一靚，例如自己砌個一層長長既鞋架，要黎遮著d鞋!!仲有拉線等等既功夫，o係度都要俾credits佢地。我自己當然都有喇，就係所有既昆蟲都係由我黎收拾，佢兩個都驚到咩咁，haha~~
因為個爐好矮，我地又冇凳仔，諗住出去執返之前好賤格咁掉o係天橋底既紙皮箱。不過阿烽發現到有好多好似斬完樹既木，又有架超市車，咁就齊齊推左七舊返去！！
最yeah係沿途d司機見到好似好驚訝咁．．．haha~~
笠個膠袋咁坐．．．
大約六、七點先開始，地點係車房後面。呢度d炭好yeah，係一粒粒圓形，而d炭精就係白色一舊好似soap咁，一點就著，不過d炭就比較難著．．．
攪左好耐先攪掂，最後竟然用風筒起爐！！又work喎!!超勁!!!!
不過吹吹下個轉插燒左，出晒煙勁驚law．．．
估唔到d炭咁襟燒，都唔駛點樣加炭。
食下hea下就幾個鐘，都幾好feel，話晒係第一次o係"自己屋企"BBQ，o係香港好難有呢d機會。
黎澳洲之前想BBQ，可惜o個陣一直都約唔到，今次算係補返。
可惜個爐既設計整唔到粟米同蕃薯．．．
文章定位：
