Nov 17, 2004
訓到成三點，都仲係好眼訓．．．
之後同阿烽同妍妍去左Eastwood買 “食送”，又係買左勁多野，相信又會係話咁快就食晒．．．
之前幾次都o係新人人度偷左幾個要黎 “lon”筷子既野，哈哈！！今次買左咁多野算係贖罪。
之前夜晚送飯既係金枝慾孽，而尋晚就睇完我自己已經睇到第三次既美女或野獸，今晚就開始o係Edwin度得黎既棟篤神探。
睇到個片頭已經唔想睇，黃子華唱到唔知想點，林夕d詞更加係廢之中既經典，拍得住o係壹週刊睇返黎唔知係邊套劇既「男人心一字馬」，懶好笑咁．．．
個開頭又係，d保險有冇咁低能呀?難為個編劇諗得出．．．
不過睇落就發覺好得，得在蔡少芬，最好笑係「捏一下都死．．．」笑到癲左！！
整理返d相，呢張係搬之前o係阿烽宿舍屈蛇既相，個人認為絕對堪稱經典，遲d申請個photo album既account!!
文章定位：
