October 13, 2004
今朝一早就收到壞消息，阿Luk話間屋已經俾人租左．．．
第一時間過去睇另一間，係五號，所有地方都冇九號o個間咁好，兩間細房仲要再細d．．．
因為廿號就要搬，所以都冇得揀．．．
個salesman叫Bryan，勁多野講，不過感覺都係幾nice，而且走o個陣仲車埋我同阿烽去Chatswood。
豪鬼阿烽扑鎚買扮晒野既蘋果新電腦，成三千蚊澳紙．．．
因為成八十幾度，終於都有機會試下hit到爆既Boost Juice。一杯既價錢幾乎拍得住一個fast food meal，但係經過親呢間野都成十幾廿人o係度等，而且通街d人都拎住杯黎飲。
叫左杯Mango Magic，都ok既，隻味之前都飲過。Regular要$5.1，勁大杯，飲到勁飽．．．
之後去左K-Mart睇我最愛既龍珠玩具。呢度雖然冇扭蛋，不過不幸中之大幸係有美版figure賣。
冇意中發覺到有chibits!!諗都唔諗即買!!
作為一個真正既龍珠fans係唔會承認GT既!!所以只係買左八隻，埋單四十蚊。
正！！
Naoki又想借日劇，仲全部都想要！因為就黎搬，所以借住三套先。
佢既聽得明又識得講「仆街」，又聽得明我講既"Itsumofutaride"
HaHa~
估唔到Edwin都想借，借左套極正既漂流教室。識貨！！
食埋野返到屋企就繼續執野。
雖然冇左間靚屋，不過依然係勁想快d搬!!
o個兩個咁既XX，真係對多一分鐘都想打爆佢地個頭！！
文章定位：
