October 11, 12, 2004
考完試之後都只係不停咁訓覺同打機同執野預備搬，都冇出過去。
唔係阿烽提我都唔記得要交學費．．．>.<"
起身就過左HSBC買bank cheque，手續費要成七蚊，妖．．．本來諗住去post office買money order，但永遠去到趕時間呢ｄ位都一定會多人多到嘔茄．．．
今日話係last day，果然大家都係今日先交．．．
全日撞到既人分別有阿烽、占士、家誠同Jer少。
煲煲下湯阿烽同占士話想出去食飯飲野，就約左夜d出去。
咁o岩大衛同積奇林又打黎話想搵野攪，唯有約聽日，反正我要攪working visa。
夜晚去左「誠」食壽司，係ok好食，不過d款同上次一樣都係少。食左六碟埋單$19。最好食係Marble Beef Steak Roll。
之後落左間bar飲野。好彩係weekday我冇帶passport都入到去。
難得咁高興，就同佢兩個飲酒，唔通真係叫「凍檸七」咩．．．
佢地話TOOHEYS易飲d，不過我覺得好難飲，就"手羅"左阿烽杯VB飲，都ok。不過飲左半杯就．．．
點解我咁渣既．．．
成晚吹左勁多水，好耐都冇試咁樣同friends傾計，好正～
最好笑係十二點左右，個"實Q"走過黎話就黎收鋪，要我地走。心諗邊有bar咁早收架，點知佢走開之前講左句"I'm just kidding"．．．原來佢檯檯都係咁玩．．．
篤左陣波，不過我係唔識既．．．期間有個鬼佬走過黎話玩double，當然我只係齋睇。
飲下吹下篤下已經兩點幾，難得高興，冇車搭都算啦。
點知真係冇．．．
占士話可以搭架去Honsby既通宵巴，去到Epping Station再飛的。呢架咁既巴士竟然夠膽死收$5.7!!冇野呀?成三十蚊港紙，我o係官塘去機場呀??
同阿烽o係Epping諗住行住等，點知最後行到返Macquarie．．．全程行左差唔多一個鐘．．．>.<"
文章定位：
