September 17, 2004
尋晚無返屋企，但因為尋日應承左占士借套Naruto俾佢，而且佢又會借套愛作戰俾我，所以一起身就返左屋企"手羅"。
返到去見到個廚房．．．點解兩個同屋咁長命架．．．
上完Marketing就o係lab度睇Naruto，睇睇下阿烽send左個sms黎話同妍妍出city剪頭髮，本來我諗住遲d先，但就黎Final，剪短d唔駛咁煩，所以就出埋去。
不過個銀包擺左o係阿烽度，佢兩個又上左車，唯有問占士借左五蚊搭車．．．
出到去差唔多五點半，選擇繼續係胡絲亂想，等左成半個鐘先有位。
因為我無銀包，唯有妍妍幫我出住先。雖然會還，但o個一刻好有駛女人錢既感覺，haha~
妍妍要做負離子，咁我剪完就同阿烽週圍hea。
攪到成九點幾先攪掂。間野播緊追女仔2004，好似都幾好笑。
經過一輪抉擇，最終選擇左去Seoul Ria食。
雖然話就話係City，但過左九點要搵野食真係無乜選擇，比起香港．．．
唉．．．
呢排唔知點解成日撞到家誠，尋日o係RMC見到佢，今日出到City又見到佢，haha~
Seoul Ria係幾好，最重要係開得夜。阿烽想飲酒，但我不嬲都係一支就"lum"。不過見佢咁高興，就叫左壺檸檬酒。都幾好飲，對阿烽黎講當然當檸檬茶咁飲，但係我飲左兩杯仔就．．．
唉．．．點解我咁渣架．．．
文章定位：
