September 10 - 12, 2004
交完assignment測完驗，成個人都鬆晒，雖然Final黎緊‧‧‧
呢幾日都o係阿烽度hea，冇返過屋企。本來想話出city，因為都ok耐冇出過去，不過佢同妍妍仲有一至兩篇essay要交，所以都係打消左呢個念頭。
10號晚睇埋套Boys Don't Cry，基本上成套戲冇一個角色我係認同，或者話係我完全理解唔到戲入面每一個人所做既每一件事。
Les唔緊要，但係點解要呃人話自己係男人或者陰陽人?到最後俾人強姦同殺埋都係自己"手羅"黎，仲要害死埋個friend。
呢套戲係改編自真人真事，女主角Hilary Swank冇可否認係做得好好，"手羅"Oscar絕對合理。
戲入面佢好樣衰，但上網search佢d相發覺原來真人係幾靚。
不禁驚嘆化妝師既出神入化‧‧‧
幾日都只係睇左一套戲，其餘時間我都係玩炸彈人同睇村上春樹既「挪威的森林」。
炸彈人係阿烽download落黎既超任模擬器，其實玩左好耐，不過真係沈迷就只係呢幾日。呢個game有三集，最好玩既係第二集既第一關，絕對好玩過襟玩過刺激過現時PS2任何一隻game。
同阿烽互有勝負，照計實力應該係旗鼓相當，但大家都出現過5:0既局面，哈哈！
另外就係「挪威的森林」。之前都只係斷斷續續咁睇。雖然銷售紀錄已被「在世界中心呼喚愛」打破，但畢竟是「情書」的意念源頭，而且曾經係全日本最暢銷書，心想還是有一看既價值。
呢幾日一口氣睇晒上下冊。有d位幾鍾意，例如腦海一片混亂，村上春樹會形容為：「砰！頭腦的螺絲鬆脫，線球打結」；
「死並非是生的對立面，而是作為生的一部分永存」；
「把人生當作餅乾罐就好了‧‧‧餅乾罐裏各式各樣的餅乾，有喜歡的，也有不喜歡的，對不對？如果你先吃喜歡的，剩下的當然都是一些不喜歡的。每當我痛苦的時候我都拿這個比喻安慰自己。現在經歷這個痛苦，以後一定會出現快樂的一面，人生就像是餅乾罐。」
情節有點灰暗，雖然輕鬆幽默既地方很有效果，但自殺卻充斥著整個故事，這點蠻特別。
然而作為鼎鼎大名既村上春樹，作為一度既銷量保持者，我還是要求更多。
文章定位：
