August 24, 25, 2004
要唔亂諗野有好多方法，其中一個我覺得ok有效既就係煮野食。
而家叫做識煮少少野，當然係咪人食係另一回事，總之夠我用呢個方法。
尋晚煮左個菠菜+豬肉碎+蛋既'食送'，係走之前阿媽教落既，我都幾鍾意。
夜少少煲左蕃薯糖水，係阿媽越洋教既，味道都ok。
煮少少野已經攪左個幾兩個鐘，真係可以另我暫時忘記煩惱。
今日起身感覺好左d，所以決定繼續用呢個方法。
首先染左個頭，不過比我想像中深色。
阿烽同妍妍打黎問過唔過去，暫時都未有心情。
煮左菜心炒牛肉，係睇報紙學返黎既，本來唔係用菜心，不過我無原本o個隻菜，所以就用左菜心。
d調味勁複雜，對一個菜鳥黎講真係一大考驗。
落辣椒o個陣攪到勁慶，對手'也母'到仆街，唔知係咪有d橋妙我唔識。
煮完食完出左成身汗，不過好似好左。
果然係一個唔錯既方法。
文章定位：
