August 14, 2004
今晚諗住BBQ。
同烽、妍、超同瑪姬去左購物中心買野。之前已經o係城市買左燒烤叉，今日就買左三包丸、兩舊蕃薯同一公斤"yip"左既雞亦，但係就買唔到"yip"左既牛排同豬排，仲有最重要既碳‧‧‧
幾經思量後，大家決定去阿超同瑪姬度煮左佢。買埋蘿蔔、豬排、薑、蕃茄、蛋同檸檬茶之後就向著MUC進發。
經過眾人既一番努力──瑪姬"yip"同煎豬排；阿烽煮蕃茄蛋同煎雞亦；妍妍同阿超都有在旁協助，而我，好遺憾並冇幫到手‧‧‧
今晚大家都煮得好清淡，連本身"yip"好左既雞亦都係咁。
最好笑係煲「丸菜蘿蔔湯」，因為落晒三包丸既關係，煲煲下d丸脹到爭d跌晒出黎‧‧‧
飯後大家就變左雜誌團，齊齊煲壹週刊。今晚係奧運第一日比賽，大家都係斷斷續續咁睇。hea到兩點幾就走喇。
今晚本來好開心，可惜感冒菌繼生日之後再一次擊敗我‧‧‧>.<"
簡直係想斬左個鼻，全日呻左不下百張紙巾同打左幾十個噴嚏，辛苦到想死‧‧‧>.<"
一直以黎除左成日頭痛之外，身體唔算太差，一年都係病一次左右。
過到黎之後，短短一個月已經病左兩次‧‧‧仲要係超辛苦o個隻‧‧‧>.<"
惡夢幾時會過去？
文章定位：
